Zańnamaǵa sáıkestigin anyqtaýdy surady
Astrahan oblystyq dýmasynyń depýtaty Oleg Sheın Máskeý prokýratýrasynyń basshysy Sergeı Kýdeneevten Máskeý qalasy meriniń mindetin ýaqytsha atqarýshy Sergeı Sobıanın otbasynyń Aq úı janyndaǵy páterdi jekeshelendirýiniń zańdylyǵyn surady.
Zańnamaǵa sáıkestigin anyqtaýdy surady
Astrahan oblystyq dýmasynyń depýtaty Oleg Sheın Máskeý prokýratýrasynyń basshysy Sergeı Kýdeneevten Máskeý qalasy meriniń mindetin ýaqytsha atqarýshy Sergeı Sobıanın otbasynyń Aq úı janyndaǵy páterdi jekeshelendirýiniń zańdylyǵyn surady.
Depýtattyń qadaǵalaýshy organǵa joldaǵan hatynda kezinde talas týdyrǵan turǵyn úı alańy qandaı negizge súıenip berilgendigin anyqtaý kórsetilgen. Sheınniń atap kórsetýinshe, eger páter oǵan qyzmettik turǵyn jaı retinde berilgen bolsa, Sobıanınniń de, onyń qyzynyń da páterdi jekeshelendirýge quqyǵy joq. Buǵan federaldy zańnamalarda tyıym salynǵan. Sobıanınniń qyzynyń Máskeýdiń ortalyǵynda aýmaǵy 300 sharshy metrden asatyn páteri bar ekendigi jáne onyń jekeshelendirilgeni jónindegi aqparatty qala merine kandıdat Alekseı Navalnyı óziniń blogyna ornalastyrǵan eken. Onyń aıtýynsha, páterdiń naryqtaǵy quny 5 mıllıon dollarǵa jýyqtaıdy.
Izraıl úkimeti basshysyna operasııa jasaldy
О́tken jeksenbide Izraıl premer-mınıstri Bınıamın Netanııahýge kindiktegi jaryqty alyp tastaýǵa baılanysty operasııa jasaldy. Jergilikti BAQ-tardyń jazýyna qaraǵanda, operasııa sátti ótken.
Alpys úsh jastaǵy Netanııahýge shuǵyl operasııa Ierýsalımdegi klınıkalardyń birinde jasalǵan. Premer-mınıstrge operasııa narkoz arqyly nemese narkozsyz júzege asyrylǵandyǵy naqty kórsetilmegen. Jeksenbi kúni B.Netanııahý tutqyndaǵy palestınalyq toptardy bosatýǵa baılanysty úkimet otyrysyna qatysýy tıis edi. Úkimet apparatynyń habarlaýynsha, otyrys keıinge qaldyryldy. Bul tutqyndardy bosatý jónindegi kelissózderge keri áser etpeıdi.
Prezıdent pen premer-mınıstr sóz qaǵystyryp qaldy
Grýzııa prezıdenti Mıhaıl Saakashvılı men osy eldiń premer-mınıstri Bıdzına Ivanıshvılı Batýmıge kelgen amerıkalyq «Balklı» áskerı korabliniń bortyndaǵy resmı qabyldaý kezinde sózge kelisip qaldy.
«Interfaks» agenttiginiń aqparattary boıynsha, 11 tamyz kúni keshkisin bolǵan qabyldaý kezinde Ivanıshvılı 2008 jylǵy Ońtústik Osetııadaǵy áskerı janjalǵa Grýzııanyń burynǵy bıligi jaýap beredi, dep málimdese kerek. Onyń artynsha sóz alǵan Saakashvılı buǵan kelispeıtindigin bildiripti. «Men bul soǵysqa grýzın tarapy jaýapty degen kez kelgen pikirge úzildi-kesildi qarsymyn. Mundaı pikirdi Grýzııany jaqsy kórmeıtinder nemese Grýzııanyń jaýlarymen baılanysy barlar aıtady», depti.
Seksen adam qurban boldy
Iraktyń birneshe qalalarynda jasalǵan terrorlyq áreketterdi «Al Kaıda» múshelerinen quralǵan «Irak ıslam memleketi» uıymy moıyndaryna aldy. Bul jóninde «Frans-press» agenttigi habarlady.
Islamdyq saıttardyń birinde sodyrlar ornalastyrǵan málimdemege qaraǵanda, Iraktaǵy terrorlyq áreketter «arnaıy qyzmettiń operasııalaryna jaýap» retinde jasalynǵandyǵy aıtylǵan. Eldiń Baǵdad jáne basqa qalalarynda 10 tamyzda 12 ret jarylys jasalǵan. Jarylystar Oraza aıttyń sońǵy kúni júzege asyrylǵan. Sonyń saldarynan 80-ge jýyq adam qaza taýyp, 150-den astam adam jaralanǵan.
Jańa AES salý kelisimine qol qoımaq
Irannyń syrtqy ister mınıstri Alı Akbar Salehı jýrnalısterge Teheran men Máskeý jaqyn arada Iranda jańa atom elektr stansasyn salý týraly kelisimge qol qoıatynyn habarlady.
«Novostı» agenttiginiń aqparattary boıynsha, mınıstr taraptar ótkizgen konsýltasııalardyń qorytyndysynda, olar atalǵan másele jóninde ózara túsinistik týraly kelisimge qol qoıý qajet degen sheshimge kelgen. Kelisimge qol qoıý merzimine qatysty naqty aqparat joq. Iran mınıstriniń bul málimdemesine Reseı tarapynan qazirge túsinik berilmedi. Budan biraz ýaqyt buryn Irannyń jańadan saılanǵan prezıdenti Hasan Rýhanı Teheran Reseımen yntymaqtastyq barysynda jańa atom elektr stansasy qurylysyn salýdy jalǵastyratynyn málimdegen bolatyn.
Premer bir kún taksıst bolyp jumys istedi
Norvegııanyń premer-mınıstri Iens Stoltenberg maýsym aıynda Oslo qalasynda bir kún qupııa túrde taksı júrgizýshisi bolyp jumys istepti. Ondaǵy maqsaty – óz saılaýshylarymen erkin jaǵdaıda áńgimelesip, kópshiliktiń pikirin bilý bolsa kerek.
Premer-mınıstr «ju mys» kezinde taksıstiń kıimin kıip, kózine qara kózildirik taǵyp alǵan eken. Jolaýshylar ony tanyǵan jaǵdaıda ǵana ol aty-jónin, laýazymyn aıtqan kórinedi. Stoltenbergtiń aıtýynsha, segiz jylda alǵash ret avtomobıl róline otyrǵany osy bolypty. «Men Oslonyń kóshelerin jaqsy bilemin. Taksıdi júrgizý onsha qıyndyq týdyrmady», depti saıasatker. Onyń avtomobıldi basqarý kezindegi qımyl-qozǵalysy jasyryn kameraǵa túsirilipti. Endi ol osy jyldyń qyrkúıeginde ótetin parlamenttik saılaý naýqanynda kórsetiletin sııaqty.
Qysqa qaıyryp aıtqanda:
О́zbekstanda jumys isteıtin Qyrǵyzstan dıplomaty Qanatbek Sharshenbekti onymen kóp qabatty úıde birge turatyn kórshileri maskúnemdikke salynady jáne óreskel sózder aıtyp, balaǵattaıdy dep aıyptady.
Rokatend janartaýynyń «minez» kórsetýine baılanysty Indonezııanyń Palýe aralynan 2,5 myń adam qaýipsiz jerge kóshirildi. Janartaý senbi kúni «oıana» bastaǵan.
Afınanyń soltústik-shyǵysynda zańsyz mıgranttar turyp jatqan lagerde janjal shyqty. Lagerdegiler ondaǵy buıymdardy órtegen, sondaı-aq, kúzetshilerge shabýyl jasaǵan. Oqıǵa saldarynan 10-nan astam kúzetshi zardap shekti.
Úndistandyqtar óz kúshterimen turǵyzǵan «Arıhant» atty alǵashqy atom súńgýir qaıyǵy ashyq teńizde synaqtyń sońǵy kezeńinen ótýge daıyn ekenin málimdedi. Bul el bolashaqta bes atom súńgýir qaıyǵyn jasaýdy josparlap otyr.
Internet materıaldary negizinde ázirlendi.
