Tek úshinshi kezeńniń bel ortasynda jerlesterimizdiń qorǵanystaǵy qateligin paıdalanyp ketken «Sıbır» hokkeı klýbynyń oıynshysy Shashkov áriptesine tamasha pas bere bildi. Shaıba qaqpa mańaıynda júrgen 70-nomerdegi Mılovzorovqa tıip, qaqpaǵa enip ketti.
«Barystyń» shabýylshylary qonaqqa kelgen Krasıkovtyń qaqpasyn qansha torýyldaǵanymen sańylaý taba almady. «Barystyń» bas bapkeri oıyn sońynda taım-aýt aldy. Oıyn osy sátten bastap túrlenip sala berdi. Kezdesýdiń aıaqtalýyna nebári 30 sekýnd qalǵanda «Barystyń» 55-nomerdegi oıynshysy Atte Ohtamaa úlken táýekel jasap, qaqpaǵa alystan soqqy baǵyttady. Osy sátte qaqpa mańynda júrgen Lınýs Vıdell shaıbaǵa birinshi jetip, esepti teńestirdi.
Qos komanda arasyndaǵy oıynnyń taǵdyry qosymsha taımda sheshildi. «Sıbırdiń» kezekti umtylysy nátıjeli aıaqtaldy. Eki qaqpaǵa kezek-kezek kirip shyqqan shaıba oıyn sońynda «Barys» komandasynyń qaqpasynda jatty. Osylaısha «Barystyń» sońǵy alty oıyndaǵy úzilissiz jeńisi úzildi.
