Tabantal aýyldyq okrýginiń ákimdigine úsh kandıdat saılaýǵa tústi. Men osy aýyldyq okrýgtiń bılik tizginin sońǵy jyldary ustaǵan Sholpangúl Qalıevanyń senimdi ókili bolýǵa kelisip, dodada jeńip shyǵýyna tilektes boldym. Úmitkerlerdiń barlyǵy eldiń jaıyn biletin, halyqpen ortaq til tabysyp jumys isteı alatyn azamattar bolǵandyqtan, ishteı álde qaıtedi degen oıdyń da qylań bergenin jasyrýǵa bolmas. Sondyqtan da saılaý ótetin Hromtaý qalasyndaǵy №6 mektep-gımnazııaǵa ýaqtyly keldim. Aýyldyq orýgter jáne Nıkeltaý selosy men Hromtaý qalasy ákimderin saılaýǵa aýdandyq máslıhattyń 13 depýtaty túgel qatysty. Aldyn ala saılaýdy ótkizý tártibimen tanysqandyqtan bolar, ákimderdi saılaý barysynda eshqandaı aǵattyqtarǵa jol berilgen joq. Saılaý bıýlletenderin alý, toltyrý jáne ýrnaǵa salýda jınaqylyq baıqaldy. Bıýlletenderdi esepteý jáne paıdalanylmaǵandaryn esepten shyǵarýda da ashyqtyq prınsıpi saqtaldy.
Tabantal aýyldyq okrýginiń ákimdigine úsh kandıdat saılaýǵa tústi. Men osy aýyldyq okrýgtiń bılik tizginin sońǵy jyldary ustaǵan Sholpangúl Qalıevanyń senimdi ókili bolýǵa kelisip, dodada jeńip shyǵýyna tilektes boldym. Úmitkerlerdiń barlyǵy eldiń jaıyn biletin, halyqpen ortaq til tabysyp jumys isteı alatyn azamattar bolǵandyqtan, ishteı álde qaıtedi degen oıdyń da qylań bergenin jasyrýǵa bolmas. Sondyqtan da saılaý ótetin Hromtaý qalasyndaǵy №6 mektep-gımnazııaǵa ýaqtyly keldim. Aýyldyq orýgter jáne Nıkeltaý selosy men Hromtaý qalasy ákimderin saılaýǵa aýdandyq máslıhattyń 13 depýtaty túgel qatysty. Aldyn ala saılaýdy ótkizý tártibimen tanysqandyqtan bolar, ákimderdi saılaý barysynda eshqandaı aǵattyqtarǵa jol berilgen joq. Saılaý bıýlletenderin alý, toltyrý jáne ýrnaǵa salýda jınaqylyq baıqaldy. Bıýlletenderdi esepteý jáne paıdalanylmaǵandaryn esepten shyǵarýda da ashyqtyq prınsıpi saqtaldy.
Saılaý qorytyndysy boıynsha Sholpangúl Qalıeva aýyldyq okrýg ákimdigine ótkende qýanǵanymdy jasyra almaı qaldym. Onyń da reti bar. Sholpangúl ákim bolǵaly aýylda birqatar ıgilikti isterdiń atqarylýyna uıytqy boldy. Okrýgtegi tórt eldi mekende 746 adam turady, 744 myń teńgege aýyl kóshelerin jaryqtandyrý júrgizildi. Balabaqsha jumys isteıdi. Aýyldyqtar kógildir otynnyń ıgiligin kórip otyr. Kóshelerge sý qubyry tartyldy, endi úılerge kirgizý ǵana qalyp tur. Qazirdiń ózinde aýyl turǵyndary 15 qaýymdastyqqa birigip, ózekti máselelerdi ortaq oılasyp sheshýge muryndyq bolýda.
Tabantaldyqtardy qınaıtyn másele aýyl men Aqtóbege baratyn kúrejolǵa deıingi 35 shaqyrymnyń oıqy-shoıqylyǵy. Qaıtadan saılanǵan ákim bolashaqta bul araǵa qatty jamylǵy tóseýge qozǵaý salmaqshy. Saılaý ashyq ta ádil ótti. Eshqandaı renish bolǵan joq. Tańdaýshylar shyn máninde halyqtyń kóńilindegi úmitkerlerge daýys berdi. Árıne, saılaýda senim artylǵan ákimderge júkteler jaýapkershilik te joǵary, amanat úlken. Aýyl ákimderin osylaı saılaý demokratııanyń aıqyn kórinisi boldy. Endi jańadan saılanǵan ákimder eldiń, jerdiń qojasy retinde halyqtyń muń-muqtajyna burynǵydan da jaqynyraq kelip, ıgilikti is tyndyrýǵa talpynýlary kerek.
Senim degen bárinen de qymbat. Al senim údesinen shyǵýǵa izdenispen jumys isteý, uıymdastyrýshylyq qabilet pen halyqtyń qamyn oılaıtyndaı qasıet kerek. Mine, jańadan saılanǵan ákimderden halyqtyń kútetini osyndaı is-qımyl. Demokratııalyq damýymyzǵa arna tartqan bul saıası naýqan elimizdiń jarqyn bolashaqqa baǵyttalǵan qadamyn nyǵaıta túsetini sózsiz.
Uldaı QUMARǴALIEVA.
Aqtóbe oblysy,
Hromtaý aýdany.
