2018 jyldyń jeltoqsanynda paıdalanýǵa berilgen tamponajdy sement óndirý zaýyty ónimin osyǵan deıin kórshiles óńirler de alyp kelse, byltyrǵy shilde aıynan bastap Syr sementi shetelge eksporttalýda. Al qara taqta tastardy avtoklavty qaıta óńdeý boıynsha jobasyn iske asyryp jatqan «Balasaýysqandyq» vanadııli ken ornynan jyl saıyn Reseı men Ulybrıtanııaǵa 200 tonnadan astam ammonıı metavanadaty eksporttalady,- dedi aımaq basshysy.
2019 jyly «Aral tuz» aksıonerlik qoǵamy tuz óndirý kólemin 25 paıyzǵa ósirse, bıyl taǵy 10% arttyrady. 2022 jylǵa qaraı ónim kólemin 700 myń tonnaǵa deıin jetkizýdi josparlap otyr. Sondaı-aq qýattylyǵy joǵary úshinshi ıspandyq sehtyń qurylysyna kirisýde.
Jańaqorǵan aýdanyndaǵy «Shalqııa» ken ornynda taý-ken baıytý kombınatyn salý jáne basqa da birqatar perspektıvaly jobalar boıynsha jumystar jalǵasýda.
Sondaı-aq Aral aýdanynda kalsıılendirilgen soda óndiretin alǵashqy zaýyttyń qurylysynyń jobasyn tıisti mınıstrliktermen kelisýdiń sońǵy kezeńi júrgizilýde.
