2020 jyly Ulttyq halyq sanaǵyn ótkizý kezinde vızýaldy fırmalyq stıldi qalyptastyrý maqsatynda Ulttyq halyq sanaǵynyń logotıpi ázirlengen. Halyq sanaǵy shartty eki kezeńnen turady. Daıyndyq kezeńi. Maýsym aıynyń 1 men 30 aralyǵynda ıntervıýerler turǵyn úıler men turǵyn emes úı-jaılardyń, qurylystardyń, sondaı-aq ondaǵy turatyn turǵyndardyń naqty sanyn anyqtaý maqsatynda árbir eldi mekendi aralap shyǵady. Bul kezeńde aýdandastyrýǵa daıyndyq júrgiziledi.
Sanaqtyq aýdandastyrý – bul óńirdegi árbir eldi mekenniń aýmaǵyn sanaqty ótkizý úshin nusqaýshylyq jáne eseptik ýchaskelerge bólý.
Negizgi kezeń (qazan aıynyń 1 men 30 aralyǵy). Qazan aıynyń 1 men 15 aralyǵynda, ıaǵnı tikeleı halyq sanaǵynyń alǵashqy 15 kúninde ınternet-saýalnama júrgiziledi. Internet-saýalnamada respondentter ózine jáne otbasy múshelerine Internet jelisi arqyly sanaq.gov.kz arnaıy saıtynda sanaq paraqtaryn óz betinshe toltyrady. Sonymen birge saıtta respondentterge arnalǵan túsindirmeler men arnaıy vırtýaldy kómekshi de bar.
Internet-saýalnamamen qatar 1-30 qazan aralyǵynda ıntervıýerler de saýalnama júrgizedi. Saýalnama jaýaptary planshetke engiziledi. Internet arqyly málimetter bergen respondentter ıntervıýerler júrgizetin saýalnamaǵa qatyspaıdy. Halyqqa saýalnama júrgizý barysynda respondentti sáıkestendirý úshin suralatyn adamnyń JSN-i paıdalanylady. Saýalnama aıaqtalǵanda halyq sanaǵynan ótkeni týraly anyqtama beriledi.
Sondaı-aq 2009 jylǵy Qazaqstan Respýblıkasy halyq sanaǵynyń bıýdjeti 6,5 mlrd teńgeni qurady. 2009 jylǵy halyq sanaǵyn ótkizý kezinde bir adamǵa shaqqandaǵy shyǵyndar - 2,9 AQSh dollaryn qurasa, 2020 jyly - 1,2 AQSh dollaryn quraıdy.
