Jumys saparynyń birinshi kúni B.Baıbek Novo­cher­noıarka aýylynyń tur­ǵyn­da­ry­men kez­des­ti. Munda 16 kópqa­batty tur­­ǵyn úıdiń 800-ge jýyq tur­ǵy­­ny ortalyq jylytý júıe­sin­siz turyp jatyr. Aýyl tur­ǵyn­dary bul máseleni osyǵan deıin birneshe ret kótergen, tipti par­tııa­nyń qoǵamdyq qabyldaýy ar­qy­­ly da qozǵaǵan eken.

«Turǵyndarmen birge osynyń sheshý joldaryn talqyladyq. Aı­maq basshylyǵy aýylda jy­­lytý qazandyǵy salynady dep sóz berdi. Bul atalǵan tur­ǵyn úı­ler­­den bólek taǵy da 5 áleý­met­tik nysandy, onyń ishinde taıaý mańda ornalasqan mektepti, balabaq­shany jáne dárigerlik ambýlato­rııa­ny jylytýmen qamtamasyz etpek. Onyń oryndalýyn Nur Otan partııasy óz baqylaýyna aldy», dedi B.Baıbek.

Onyń aıtýynsha, Pavlodar oblysyna saparǵa shyǵar aldyn­da ol buqaralyq aqparat qu­ral­da­ry men áleýmettik jeli­ler ma­terıaldary arqyly óńir­diń kó­keıkesti máse­le­lerimen muqııat ta­nysqan. Par­tııa Tóraǵasynyń bi­rinshi orynbasary birneshe jyldan beri oblys ortalyǵynda «Ekinshi Pavlodar» shaǵyn aýda­nyn­daǵy jeke turǵyn úılerdi erigen jáne jerasty sýlary deń­g­­­eıiniń kóterilýi saldarynan sý basýy máselesine nazar aýdardy.

Máseleniń ózektiligi eskerile otyryp, oblystyń jańa áki­mi­men turǵyndardyń kezdesýi uıym­dastyryldy. Ábilqaıyr Sqa­qov­tyń aıtýynsha, máseleni júıeli jáne jan-jaqty sheshý úshin tıisti mamandar men sarapshylar tartylatyn bolady. Sonymen qatar 8 shaqyrym káriz jelilerin tartý jáne taǵy 10 shaqyrym kommýnıkasııany salý úshin jo­ba­­lyq-sme­talyq qujattama ázir­le­nedi. Budan buryn jerasty sý­larynyń deńgeıin tómendetý úshin 5 qudyq burǵylanyp, sý saqtaý shuńqyry salynǵan,
3 sorǵy stansasy orna­tyl­ǵan.

Kezdesýde jergilikti tur­ǵyn­­dar monopolıst kompanııa «Pav­lo­dar sý kanaly» JShS-na qa­ra­ta tarıfterdiń, sýdy esepteý as­paptary qunynyń aıqyn­dy­ǵy­­na qatysty nara­zylyq­ta­ryn da bildirdi. B.Baıbek óz kezeginde taıaý ýaqytta partııa alańynda barlyq múddeli organ­dardyń qatysýymen ashyq partııa­lyq tyńdaý ótkizýdi tapsyrdy.

Jumys sapary barysynda par­tııa Tóraǵasynyń birinshi or­yn­­basary «Munaıhım» ká­sip­or­nynyń qyzmetkerlerimen de kez­desti. Munda áleýmettik jáne eńbek quqyqtaryn qorǵaý sala­syndaǵy ózekti máseleler talqy­landy. B.Baıbek Elbasy bastamasymen qolǵa al­ynǵan ındýs­trııalandyrý baǵ­dar­lamasynyń nátıjesinde óńirde myń­­daǵan ju­mys ornynyń ash­yl­­­ǵanyn tilge tıek etti.

«Jumyspen qamtýmen qatar jaıly jáne qaýipsiz eńbek jaǵ­da­ıyn jasaý qajet. Bul úshin bas­­taýysh partııa uıymdary ká­­sip­o­daq­­tarmen birlesip kási­p­oryn basshylyǵyna týyndaǵan má­se­le­le­r men qyzmetkerlerdiń usynys-tilek­terin ýaqtyly jet­ki­zip otyrýy tıis. Bul rette birde-bir su­raq­­ty nazardan tys qal­dyrýǵa bol­­maıdy. Pre­zı­den­timizdiń «Ha­lyq únine qu­laq asatyn mem­leket» tujy­rym­­da­masynyń naq­ty iske asýy degeni­miz osy», dep atap ótti ol.

Sonymen qatar B.Baıbek Pav­lo­dar oblysyndaǵy partııa aktı­vi­men kezdesý ótkizip, onda sáýir-mamyr aılarynda ashyq ishki partııalyq saılaý – praımerız ótkizýge daıyndyq barysy týraly pikir alysty.

«Partııamyzdyń lıderi, Elba­sy­nyń tapsyrmasy boıynsha bar­lyq deńgeıdegi máslıhattarǵa usy­nylatyn tizimdi túzý kezinde onda áıelderdiń 30%-dan, al 35 jasqa deıingi jastardyń 20%-dan kem bolmaýyna qol jetkizý josparlanýda.

Sondaı-aq máslıhattarǵa bas­qa da áleýmettik toptar ókil­deri usynylýy tıis. Atap aıtqanda, er­ekshe qajettilikteri bar jandar, kóp balaly analar jáne ta­ǵy bas­qalary qamtylýy kerek. Bul ret­te qoǵamdyq pikir kósh­­bas­­shylaryn jáne úkimettik emes uıym­dardyń el ishinde sózi ótimdi, jurt­shylyqtyń senimine ıe bolǵan ókilderin ilgeriletýge basa nazar aýdarylady.

Bizdiń qaǵıdatymyz – «Ji­ger­li lıderler – qýatty par­tııa». Azamattyq qoǵammen qoıan-qol­tyq aralasyp, ózara bir­le­se áre­­ket etý ǵana azamat­tar­y­myz­dyń ál-aýqatyn artty­rý­dy qam­ta­ma­syz etýge jol asha­ty­nyna senim­­di­min!» dep má­lim­de­di partııa Tóra­ǵa­synyń birinshi orynbasary.

Kezekten tys konferensııa ba­ry­synda oblys ákimi Á.Sqaqov Pavlodar oblys­tyq fı­lıalynyń tóraǵasy bo­lyp saı­landy.

Jumys saparynyń birinshi kú­­nin qorytyndylaı kele, B.Baıbek partııanyń qo­­ǵam­­dyq qa­byldaý bólmelerine pavlo­dar­­lyqtardan kelip túsken óti­nish­terdi saraptaý arqyly she­shimin kútken birinshi kezek­te­gi mindetterdiń aýqymy anyq­tal­ǵanyn atap ótti. Bular – áleý­mettik qamtý, bilim berý, den­saý­­lyq saqtaý, qorshaǵan ortany qorǵaý sapasy, sondaı-aq tur­ǵyn úı qorynyń mardymsyz jaǵ­da­ıy, eldi mekenderdi abattandyrý jáne taǵy da basqa kóptegen máse­leler.

«Azamattarymyzdy alań­da­typ otyrǵan máseleler búgin­de ázir­lenip jatqan aımaq­ty damy­týdyń 5 jyldyq baǵ­dar­­lama­syna engiziledi. Biz ár qala­ny, aýdandy jáne aýyldy qa­m­tý­dy josparlap otyrmyz. Osy ba­ǵyt­­taǵy jumystardy par­tııa or­ta­lyq jáne jergilikti mem­le­ket­­tik organdarmen birlese oty­ryp birneshe aıdan beri júr­gi­zip te keledi. Nur Otan túıindi máse­le­ler­ge qulaq asyp qana qoımaı, ony she­shý úshin naqty sharalardy qolǵa alýy kerek. Bul úshin biz­de qajetti resýrstar bar, eń bas­­­­ty­sy, qarapaıym halyq qol­dap otyr», dedi ol.