Lıýbov Kolesnık nebári 19 jasynda maıdanǵa attanǵan eken. Alǵash Belarýs maıdanyna jaqyn jerde ornalasqan áskerı gospıtalde medbıke retinde qyzmet etken maıdanger jeńisti Berlınde qarsy alǵan. 1945 jyldyń tamyz aıynda Qyzylordaǵa oralyp, zeınet jasqa deıin medısına salasynda eńbek atqardy.
Kezdesý barysynda oqýshylar soǵys týraly, elin qorǵaǵan qaharmandar erligi jaıly kóptegen qundy aqparat aldy. Aldaǵy ýaqytta jas zııatkerler maıdan dalasynda bolǵandar týraly Ýıkıpedııaǵa mazmundy maqalalar jazyp, olardyń erlikterin dáripteý arqyly óskeleń urpaqtyń tanymyn keńeıtýdi maqsat etedi.
– Álemde eshqashan soǵys bolmasyń. Elimizge beıbitshilik pen tynyshtyq tileımin, – degen Lıýbov Sergeevna maıdangerler erligine qurmet tanytqan oqýshylarǵa alǵysyn jetkizdi.
