«Qazaqstan Respýblıkasynda beıbit jınalystar, mıtıngiler, sherýler, pıketter jáne demonstrasııalar uıymdastyrý men ótkizý tártibi týraly» zań 1995 jyly, ıaǵnı jańa Konstıtýsııa bekitilgenge deıin qabyldanǵan. Sondyqtan ózgertýler men túzetýlerdi qajet etetini belgili. Iаǵnı, jańa zań qabyldaý – ýaqyt talaby.
Endi zań jobasynyń ózine toqtalar bolsaq, birneshe jaıtty eskerý kerek. Aldymen, munyń jańalyq ekenin aıtpasqa bolmas. Bul – jańa qujat qoǵam talaptaryna, ózgeristerge negizdelip jazylǵan. Ekinshisi – sabaqtastyq. Jańadan jazylǵan zań bolsa da barlyǵy baqylaýda, úılesimdilik bar. Halyqaralyq tájirıbege súıene jazylǵan jańa zańda halqymyzdyń erekshelikteri, mádenıetimiz, azamattyq, quqyqtyq mádenıetimiz de úılesim tapqan. Bul turǵyda jańa zań jobasyn halyqaralyq tájirıbe men ult ereksheliginiń sıntezi deı alamyz.
Sonymen qatar qatysýshylardyń sanyn naqtylaǵan jón. О́ıtkeni 250 adamnyń aımaqqa qatysty kóp ne az bolýy múmkin. Adam sanyna kelgende megapolıster men aýyl-aımaqtaǵy shekteýlerdi eskerýimiz qajet.
Sergeı MOGÝNOV,
Memlekettik basqarý akademııasynyń aǵa oqytýshysy, saıasattanýshy
