2000 jyldardyń basynda bilim ordasynda «Shańyraq» dep atalatyn stýdentter teatry qurylǵan. Qarjylyq qoldaý bolmaǵandyqtan, osydan bir jarym jyl buryn jabylyp qalǵan jastar teatry jumysyn qaıta jandandyrdy. Oǵan óńirge belgili rejısser Aısáýle Ábdeshqyzy jetekshilik etedi. Jastar teatry jýyrda ǵana kórermenderine Muhtar Áýezovtiń «Abaı» dramasyn tartý etti. Spektakldi tamashalaýǵa ýnıversıtet rektory Alma Dosjanova bastaǵan ǵalym-ustazdar, stýdentter keldi. Qoıylym kópshilikke unady. Rektor shákirtterge alǵys bildirip, teatrǵa aldaǵy ýaqytta da qarjylaı qoldaý kórsetetinin aıtty.
Professor Qalqaman Jaqyp ta sahnaǵa kóterilip, kópshilikpen «Abaıdan» alǵan áserimen bólisti:
– Ýnıversıtetimizde tarıhı oqıǵanyń kýágeri boldyq. Shyndyǵynda, sahnada ózimizdiń stýdentter ekenin umytyp kettim. Kádimgi bir kásibı sahna sheberleri oınaǵan sııaqty, sol Abaıdyń dáýirinen bir-aq shyqtym. Stýdentter qaı róldi de jaqsy somdady. Abaıdyń Áıgerimmen izgi qarym-qatynasy, jastardyń ǵashyqtyq sezimderi de áserli shyqty, – dedi ustaz.
