Is-sharaǵa qatysqan áskerılerdiń basym bóligi qan tapsyrýǵa birinshi ret kelgen. Qyzmettiń tyǵyz kestesine qaramastan, «Donor kúni» aksııasyna qatysqysy kelgen áskerılerdiń qarasy 100-den asty.
- Prosedýradan buryn ár donor qan tobyn anyqtaý úshin aldyn ala zerthanalyq tekserýden ótip, qajetti saýalnamalar men derek qujattaryn toltyryp, dárigermen suhbattasty. Keıin 450 ml kóleminde qan tapsyrdy. Donorlyq qan apattardan zardap shekkenderge, qalamyzdaǵy aýrýhanalarda jatqan naýqastarǵa shuǵyl medısınalyq kómek kórsetý úshin paıdalanylady, - deıdi Batys óńirlik qolbasshylyǵy medısınalyq qyzmet ofıseri maıor Abror Isahodjaev.
Barlyq donorǵa medısına qyzmetkerleri ystyq shaı men táttiler usyndy. Dárigerler merzimdi qan tapsyrýdyń aǵzaǵa paıdaly áseri bar deıdi. Donorlardyń aýrýǵa shaldyǵý yqtımaldyǵy az jáne ózderin sergek sezinedi dep sanalady.
Áskerı qyzmetshilerdiń ózderi osyndaı aksııalardyń qanshalyqty mańyzdy ekenin túsine otyra, udaıy nasıhattap otyrý qajet dep sanaıdy, sebebi onyń arqasynda bireýdiń ómirin saqtap qalýǵa bolady.
«Batys» óńirlik qolbasshylyǵynyń áskerı qyzmetshileri qaıyrymdylyq sharalaryna únemi qatysyp otyrady. Búgingi aksııanyń nátıjesi boıynsha olar 50 lıtrge jýyq qan tapsyrdy.
