Eýrazııalyq ekonomıkalyq odaqtyń Qurmetti Tóraǵasy N.Nazarbaev Qazaqstan ekonomıkalyq ıntegrasııa ıdeıasyn árdaıym qoldaǵanyn atap ótti.
– Sońǵy ýaqytta odaqqa múshe memleketter aýqymdy jumystar atqardy. Kóptegen kelisimderge qol qoıyldy. Barlyq salada birlesken sheshimder qabyldandy, - dedi Elbasy.
Qazaqstannyń Tuńǵysh Prezıdenti M.Mıasnıkovıchke ekonomıkalyq odaqty nyǵaıtý máselelerin sheshýde jan-jaqty qoldaý kórsetetinin aıtty.
– Osy jyldary EAEO sátti damyp keledi. Oǵan birqatar elder qyzyǵýshylyq tanytyp otyr. Keı memleketter baqylaýshy bolǵysy keledi, keıbiri odaqqa múshe bolýǵa nıetti. Eýropalyq Odaqpen ıntegrasııany damytý baǵytynda da biraz jumys kútip tur, - dedi Nursultan Nazarbaev.
О́z kezeginde M.Mıasnıkovıch Qazaqstan basshylyǵymen bolǵan kelissózder týraly jáne Eýrazııalyq ekonomıkalyq komıssııanyń aldaǵy jumys josparlary týraly aıtty.
