Rafhat HALELOV
Aqynnyń mereıtoıyna oraı Oral qalasynda 5 qańtar-5 aqpan aralyǵynda «Qadyrdy birge oqımyz» atty qalaishilik aksııa ótken edi. Aksııaǵa Qadyr óleńderin jatqa oqıtyn ár jastaǵy oqyrmandar qatysqan. Osy keshte sol aksııaǵa belsene qatysqan qala turǵyndary Oral qalasy ákimi Abat Shynybekovtyń alǵys hatymen marapattaldy.
- Bıyl elimizde erekshe ataýly datalarǵa toly jyl bolyp tur. Sonyń biri – dana da dara aqyn Qadyr Myrza Áliniń 85 jyldyǵy. Qadyrdy tanıtyn adam qazaqty tanıdy. Aqyn óleńderinde adam uǵymyndaǵy mahabbat, baqyt, balalyq pen jastyq shaq, kárilik kezeńge deıingi sátterdi ádemi sýrettegen. Sondyqtan, bizdiń elimiz qazaqtyń dara Qadyryn qurmet tutady, - dedi ádebı keshte sóz alǵan qala ákiminiń orynbasary Baqytjan Narymbetov.
Aqyn óleńin qasıet tutyp, «Qadyrdy birge oqımyz» aksııasyna belsene qatysqan balabaqsha tárbıelenýshileri Mádına Tilekqabylova, Egor Kýprıahın, Nursultan Qonysuly, Ádilhan Maqsot, Erkenaz Qalıhan, Aısha Hamıdolla jáne aksııada belsendilik tanytqan mektep oqýshylary men stýdentter alǵys hat ıelendi.
Batys Qazaqstan
