О́ńirde memlekettik qyzmet kórsetý salasy sońǵy on shaqty jyldyń ishinde kúrdeli reformaǵa túsip, buryn-sońdy bolmaǵan jańa sıpat, ózgeshe mazmunǵa ıe boldy. Eń bastysy, halyqqa qyzmet kórsetýdiń sapasy artyp, kóptiń qolaıyna jaǵa bastady. Memlekettik ister agenttigi oblystyq departamentiniń basshysy Ashat Eskendirovtiń aıtýynsha, ótken jyly oblysta kórsetilgen 10,7 mıllıon memlekettik qyzmettiń 11%-i qaǵaz túrinde, 82%-i elektrondy túrde júzege asyrylǵan.
- Iаǵnı, ótken jylmen salystyrǵanda, elektrondy qyzmet kórsetý deńgeıi eki ese ulǵaıyp otyr. Júıeli túsindirý, nasıhattaý sharalarynyń nátıjesinde elektrondy qyzmet tutynatyn turǵyndar úlesi de eselenip keledi. Munyń syrtynda, aqpan aıynan bastap turǵyndardyń «Elektrondy úkimet» portalyn paıdalaný daǵdysyn qalyptastyrý maqsatynda arnaıy kýrstar ashtyq. Bizdiń bul bastamamyz Tilderdi damytý ortalyqtary tarapynan qoldaý taýyp, olar ózderiniń ınternetpen qamtylǵan kompıýterlik synyptaryn usynyp otyr. Endi oblys turǵyndary óńirdiń barlyq aýdandary men qalalaryndaǵy Tilderdi damytý ortalyqtarynda aptanyń ár jumasy saǵat 15.00-den 18.00-ge deıin portalmen qalaı jumys isteýdi úırene alady, - dedi departament basshysy.
Qostanaı
