Tanym • 27 Aqpan, 2020

Sazgerdiń «Máńgi kóktemi»

25 ret kórsetildi

Rýdnyı qalalyq tarıhı-ólketaný murajaıynda ótken sazger Qaırat Nurǵa­zınge degen saǵynyshqa toly erekshe án keshi «Máń­gilik kóktem» dep atal­dy. Rýdnyı qalasy dese, búginde jurttyń esine kenmen jaǵalasa án túser edi.

Sazgerdiń júrek qylyn shertetin názik ánderi búginde saǵynyshqa aı­nalǵan. Sonaý qyzǵaldaqty Naý­ryzym dalasynda týyp ósken Qaırat Nurǵazınniń jas­tyq, izdeniske toly sharq urǵan, hal­qymyzdyń án ónerine shabyttana úles qosqan jemisti jyl­dary kenshiler qalasynda ótti. Qazaq stýdentter esebinen 2 paıyz bolatyn 90-shy jyldary kenshiler qalasynda Qaı­rattyń áni qalyqtaıtyn. Rýd­nyıdyń «qazaqtanýyna» saz­ger­diń qosqan úlesi az emes. Osy qalada «Aqqý», «Jadyra» óner toptaryna jetekshilik etti, jas­tardy, stýdentterdi óner­ge baý­lydy. Artynda júzge jýyq án qaldyrǵan Qaırattyń «Qyz­darǵa ásimdik jarasady», dep syzyla bastalatyn «Arman jyrym-arýlarym» atty áni elimizdegi estradalyq án jul­dyzdarynyń repertýarynan berik oryn alyp, ánqumar ár qazaqtyń júregin jaýlaǵaly qashan. Sazgerdiń bul shyǵarmasy  respýblıkalyq «Úkili úmit» án baıqaýynda bas júldeni jeńip alyp, oǵan mýzyka mamandary da bıik baǵasyn bergen. Qaırat Tobyl-Torǵaı óńiriniń belgili aqyndarymen qatar, Tumanbaı Moldaǵalıev, Qadyr Myrza-Áli, Israıl Saparbaı sekildi jyr júırikteriniń de jyrlaryn óziniń án qanatyna baılaǵan edi.

Osydan eki jyl buryn dúnıe­den ótken  Qaırat Seıitma­ǵan­­betuly kózi tiri bolǵanda bıyl­ kóktemde 55 jasqa tolar­ edi. Osy­ǵan oraı  Rýdnyı qala­syndaǵy tarıhı-ólketaný mýzeıinde ótken «Máńgilik kóktem» eske alý keshiniń esteliktermen de, shyr­qalǵan Qaırat ánderimen de mazmuny qalyńdaı tústi. Keshtiń mýzeıde ótýi de beker emes. Munda sazgerge arnalǵan burysh ashylyp, oǵan Qaırattyń paıdalanǵan mýzykalyq aspaptary, án taspalary, tutynǵan zattary, sahnaǵa kıgen kıimi,  qoıyldy. Olardyń arasynda tyńdarmanyna asa belgili bola qoımaǵan, sazgerdiń óziniń oryndaýynda jazylǵan tas­palary da bar. Olardyń keıbiri Qaırattyń ónerdegi, ómirdegi dos­tarynan alyndy. Sazger murasynyń umytylmaı, shyǵar­mashylyǵynyń nasıhattalýy úshin Qaırattyń dosy Qostanaı-Torǵaı óńirine esimi tanymal aqyn, jýrnalıst,  óner janashyry   Arman Hasenovtyń  júrgizgen jumystary súısinerlik.

– Qaırattyń ánderi jastarmen qatar, aǵa býyn arasynda da jaqsy tyńdalatyn. Dostyqty, mahabbatty, adal sezimdi jyrlaıtyn lırıkalyq ánderiniń ózegi adamgershilik, ımandylyq  bolǵan soń ba, odan jeńil dańǵazalyq baıqalmaıtyn, bir náziktik jú­rekti jaýlap alatyn. Onyń án­deri jyldarmen alǵa jyljı bererine kámilmiz. Oblystyq mádenıet basqarmasynyń basshysy, aqyn Erlan Qalmaqovtyń qoldaýymen óńirde Qaırat shy­ǵarmashylyǵyna arnalǵan bir­neshe kesh, konsert ótti, – deıdi Arman.

«Máńgilik kóktem» án keshinde Qaırattyń Q.Ahmetjanov, B.Zınalıeva, J.Tileýqabylov, K.О́mirbekqyzy, O.Pıgasova, A.Qurmanov, A.Sábıtbekuly sekildi ónerdegi qanattas árip­testeri estelikter aıtty. Jı­nal­­ǵan jurtshylyqtyń Qaırat ánderine  sýsyny qandy.  Saz­gerdiń kóktemdeı kórikti, ásem ánderi ózin joqtatpaıdy, ári eline qyzmet ete beretin bolady. Qaırattyń ánine sýsap kelgender onyń árýaǵyna quran baǵyshtady.

 

 

 

Qostanaı oblysy,

Rýdnyı qalasy

 

Sońǵy jańalyqtar

Jyr báıgesi máresine jetti

Ádebıet • Búgin, 07:14

О́nertapqysh óren

Aımaqtar • Búgin, 07:13

Sadaq týraly sabaq

Aımaqtar • Búgin, 07:10

Qas-qaǵym sát. Alpys jyl. Has sheber

Oqıǵa • Búgin, 07:07

Jafarovtyń jeńisti joly

Boks • Búgin, 07:04

Elin oılaǵan Er Edige

Rýhanııat • Búgin, 07:00

Reseıdegi narazylyq

Álem • Búgin, 06:54

Jańa quraldarǵa qarsy jańa tásilder

Aımaqtar • Búgin, 06:47

О́ńirdi kórmegen – ómirdi kórmegen

Rýhanııat • Búgin, 06:37

Baýyrbektiń batyldyǵy

Qoǵam • Búgin, 06:36

Kásipkerge kedergi de, kómek te bar

Bıznes • Búgin, 06:33

Sıfrly ofıser de bolýy múmkin

Tehnologııa • Búgin, 06:30

Indet aýqymy ulǵaıyp keledi

Koronavırýs • Búgin, 06:30

Yntymaqtastyq jalǵasa beredi

Pikir • Búgin, 06:26

Pnevmonııadan 2 adam qaıtys boldy

Koronavırýs • Keshe

Pnevmonııadan 1 adam qaıtys boldy

Koronavırýs • 23 Qańtar, 2021

О́tken táýlikte 1 548 adam koronavırýs juqtyrdy

Koronavırýs • 23 Qańtar, 2021

Elimizde taǵy 1050 adam indetten aıyqty

Koronavırýs • 23 Qańtar, 2021

Uqsas jańalyqtar