Aqtoǵaı aýylynda ornalasqan «Vesna» sharýa qojalyǵynda eki qoımanyń qurylysyn aıaqtalýǵa jaqyn.
Aýdan №1-shi reprodýksııaly tuqymdy Ertis aýdany «Abaı» JShS, «Ertis» tájirıbeli sharýashylyǵy, Ýspen aýdany «Galıskoe» JShS –nan satyp alýda.
Elimizde qazir tuqym sharýashylyǵyn sýbsıdııalaýdyń júıesi ózgermek. Bul jańashyldyq dıqandardyń jumysyna kómek.
Mysaly, 1 gektarǵa 100 keli bıdaı ekseńiz, onyń 10 paıyzy sýbsıdııalanady. Ol qarajatqa №1-shi reprodýksııaly tuqym satyp alasyz.
Iаǵnı, jyl saıyn egis alqaptaryna sapaly tuqymdy sebý jumystary úzdiksiz júrgiziledi.
Al, Sharbaqty aýdany «Pobeda» JShS-niń basshysy Aleksandr Polıakov kóp jyldar boıy óńirdegi Kemeńger aýylynda ornalasqan «Aýyl sharýashylyǵy ǵylymı-zertteý ınstıtýtymen» baılanys ornatyp, ǵalymdarmen birlese jumys isteýde.
- Kóktemgi egis jumystary bastalmaı jatyp ınstıtýt mamandarymen aqyldasamyz. Elıtaly tuqym satyp alamyz. Keıin bizden shaǵyn sharýashylyqtar alady. Bıyl egis alqaby - 36 myń gektar. Onyń 60 paıyzy – bıdaı, qalǵany burshaqty jáne jarma daqyldary. Naryqta qandaı daqylǵa suranys bar, sony egýdemiz. Qyshany Eýropa elderine, jasymyqty Túrkııa men Iranǵa jóneltemiz, - deıdi A.Polıakov.
Bıyl, ınstıtýtta bıyl jergilikti ǵalymdar oılap tapqan 2 jańa tuqym qoldanysqa engizilipti.
- Biri - bıdaıdyń «Anel-16» sorty, ekinshisi «Ertis samaly» atty suly. Sharýashylyqtar astyq daqyldarynan kóbine «Severıanka», «Kondıterskaıa ıarovaıa», «Iýbıleınaıa» sııaqty sorttardy qoldanady. Olar sýyq aýa raıyna tózimdi. «Galıskoe», «Abaı», «Pobeda», «Zamandas», «BIK», «Ertis» tájirıbeli sharýashylyǵy sııaqty seriktestiktermen jumys istep kelemiz, - deıdi ınstıtýt qyzmetkeri Natalıa Kýznesova.
Al, mol ónim kepili – sapaly tuqym. Elimizdiń Aýyl sharýashylyǵy mınıstrligi sýbsıdııalaýdyń tetigin ózgertip, dıqandardyń sapaly tuqym egýine jaǵdaı jasamaqshy. Kóktemde engiziletin qarjylandyrýdyń jańa júıesi dıqandar da kútýde.
Pavlodar oblysy
