Demek, pasıentter aýyr jaǵdaıda emes, josparly túrde kómek alǵannan keıin, emdelýde. Konsýltatıvtik- dıagnostıkalyq qyzmetterdiń deńgeıi 27%-ǵa ósip otyr. Sonyń ishinde KT men MRT - 54%, ÝZI-21%-ǵa ósip otyr. Sonymen birge medısınalyq ońaltý men qalpyna keltirý emdeý qyzmetteri 48%-ǵa ósip otyr, sonyń ishinde nevrologııaǵa qatysty emdeý qyzmeti 3,2 ese ósken.Bul týraly «Áleýmettik medısınalyq saqtandyrý qory» KEAQ Mańǵystaý oblysy fılıalynyń baspasóz qyzmeti habarlady.
Osyndaı kórsetkishter Mańǵystaý oblysy boıynsha da baıqalady. Konsýltatıvti-dıagnostıkalyq qyzmetter úshin jańadan kabınetter ashý jumystary qolǵa alynýda. MÁMS júıesi bul qyzmetterdi tegin alýǵa múmkindik beredi.
Qańtar aıynda fılıal atynan medısınalyq kómek qyzmetin jetkizýshi uıymdarǵa 3,5 mlrd teńge avanstyq tólem jasaldy.
Mańǵystaý oblysynyń turǵyndaryna MRT, KT zertteýleri úshin 2020 jylǵa 1 mıllıard 503,3 mln teńge bólinse, al 2019 jyly 25,7 mln teńge bólingen. Bıyl byltyrǵyǵa qaraǵanda tek MRT, KT zertteýleri úshin qarajat 1 mıllıard 477,6 mln teńgege ósip otyr.
Turǵyndar jalpy tájirıbelik dárigerden nemese ýchaskelik terapevten medısınalyq kórsetilimmen joldama alǵan jaǵdaıda, MÁMS júıesi boıynsha MRT, KT qyzmetterin tegin ala alady.
Búginde kompıýterlik tomografııa qyzmeti Aqtaý qalasynda 26 sh/a «Invıvo VDP», 26 sh/a Mańǵystaý oblystyq aýrýhanasy, 8 sh/a «Ibn Sına Medısınalyq ortalyǵy», 1 sh/a Hırýrgııa ınstıtýty, 1 sh/a «Sofı med grýpp» klınıkasynda, 14 sh/a «Neıron» sııaqty 6 mekemede, sondaı-aq Jańaózen qalasyndaǵy kópbeıindi aýrýhanasynda kórsetiledi. Al magnıtti-rezonansty tomografııa Aqtaýda, ıaǵnı 26 sh/a «Invıvo VDP», 26 sh/a Mańǵystaý oblystyq aýrýhanasy, 1 sh/a Hırýrgııa ınstıtýty jáne «Sofı med grýpp» klınıkasynda bar.
