Sharada oblys əkimi, oblystyq QHA tóraǵasy Qýanyshbek Ysqaqov saltanatqa jınalǵandarǵa lebizin bildirdi.
– Bıylǵy jyly ótetin árbir merekeniń tarıhı taǵylymy men rýhanı qundylyǵy tereń bolýy qajet. Sebebi ol kópetnosty halqymyzdyń birlese júrip ótken dara joly, birge kórgen qıyndyǵy men aýyrtpalyǵy, qol jetkizgen jetistigi, tutastaı alǵanda, barsha otandastarymyzdyń ortaq rýhanı ıgiliginiń óreli ólshemi bolmaq ,- dedi oblys ákimi.
Merekelik sharaǵa Baıqońyr qalasy ákimshiliginiń basshysy Konstantın Býsygın, RF Almatydaǵy Bas konsýldyǵynyń ókili Olga Mosheeva qurmetti qonaq retinde qatysty.«Juldyzdy qalashyqtan» kelgen ónerpazdar arnaıy əzirlegen baǵdarlamalaryn usyndy.
Sahnadaǵy ekrannan Koreıa Respýblıkasynyń Qazaqstandaǵy tótenshe jáne ókiletti elshisi Kım De Sık, Syr boıynda týyp-ósip, qyzmet etken, qazir Reseıdiń Kalınıngrad qalasynda turatyn Vıtalıı Andreev, sheshen qyzy Marema Gýbasova qazaq eline alǵys joldady.
Alǵysqa toly taǵylymdy shara etnos jastarynyń «Mekenim Qazaqstan» ánimen qorytyndylandy.
