Aımaqtar • 29 Aqpan, 2020

Qyzylorda: Byltyr kásiptik bilim alǵan 948 azamat turaqty jumyspen qamtyldy

200 ret

kórsetildi

1 mın

oqý úshin

Bul týraly Kásipkerler palatasynyń dırektory Ǵalymbek Jaqsylyqov bıznes-qaýymdastyq aldyndaǵy esepti kezdesýinde aıtty.

Murat JETPISBAEV

Qyzylorda: Byltyr kásiptik bilim alǵan 948 azamat turaqty jumyspen qamtyldy

Palata basshysy 2017-2021 jyldarǵa arnalǵan «Eńbek» memlekettik baǵdarlamasy aıasynda qysqamerzimdi kásiptik oqytý prosesi «Atameken» Ulttyq kásipkerler palatasynyń reestrine engen oqý ortalyqtarynyń óndiristik alańdarynda ótkiziletindigin aıtty.

– 2017 jyly reestrge kásiporyndardyń janynda ashylǵan 8 oqý ortalyǵy engen bolsa, 2019 jyly mundaı oqytatyn kásiporyndardyń sany 19-ǵa, jeke oqý ortalyqtar - 7, al kolledjder sany - 4-ke jetti. Barlyǵy reestrge 30 oqý ortalyǵy enip, qysqamerzimdi kásiptik oqytýdy uıymdastyrýǵa múmkindik aldy. Aıta ketý qajet,oqyǵan azamattardyń jumyspen qamtylý deńgeıi 60 paıyzdan tómen bolǵan jaǵdaıda, oqý ortalyǵy qysqamerzimdi oqytýǵa qatyspaıdy, - deıdi Ǵalymbek Jaqsylyqov.

Palata dırektorynyń aıtýynsha, ótken jylyoblystan 2194 azamat jumyspen qamtý ortalyqtary arqyly 22 oqý ortalyǵyna jiberilgen. Onyń 2054-i oqýyn sátti aıaqtap, biliktilikterin dáleldepti. Búgingi kúnge turaqty jumys ornymen qamtylǵan azamattar sany 948. Sonymen qatar osy memlekettik baǵdarlama aıasynda bitirýshiler memlekettik qaıtarymsyz qarjy alý úshin joba qorǵap, kásip bastaýǵa múmkindik ala alady. Máselen, byltyr qysqa merzimdi oqytýdan ótken 859 azamattyń jobasyqoldaý taýyp, 365 mln teńge qaıtarymsyz qarjy alǵan.