Túrkistandaǵy «Jeńis» saıabaǵynda ótken Alǵys aıtý kúnine arnalǵan saltanatty jıynda oblys aýmaǵynda turatyn ult pen etnos ókilderibirge kıiz úıdiń shańyraǵyn tiktep, bıikke kóterdi.Saltyn saqtap, dástúrin dáriptegen etnos ókilderi qazaq jerin, ásirese qasıetti topyraqty qonys etkenderin qýanyshpen jetkizdi. Merekelik jıynda oblys ákiminiń orynbasary Sáken Qalqamanov barlyq ult ókilderiniń birtutastyq pen kelisimde bir ortany meken etýi el irgesiniń beriktigine yqpal etetinin jetkizdi. «Búgingi ıdeologııalyq máni zor is-sharada osy óńirde ómir súrip jatqan ult pen etnos ókilderi bas qosyp, qazaqtyń qarashańyraǵy – kıiz úıdi birge qurýǵa atsalysty. О́tkenge - salaýat, keleshekke – amanat aıta otyryp, biz keler urpaqqa úlken úmit artýymyz kerek. Urpaqtar sabaqtastyǵy, ulttar arasyndaǵy dostyq, elimizdiń tynyshtyǵy keler býynnyń enshisinde bolmaq»,dedi oblys ákiminiń orynbasary.
Al sheshen-ıngýsh etno-mádenı birlestiginiń múshesi Hýseın Dıdseev bul merekeniń birlik pen turaqtylyqty saqtaýdaǵy mańyzyna toqtalyp, qazaq halqyna óziniń aıryqsha alǵysyn jetkizdi. Oblys basshysy О́.Shókeevtiń bastamasymen júzege asyp, qazirgi tańda úlken qoldaýǵa ıe bolǵan «Qamqorlyq» baǵdarlamasy osy sharada da óz jalǵasyn tapty. Túrkistan qalasynda áleýmettik jaǵdaıy az qamtylǵan otbasylarǵa kómek kórsetildi. Merekelik sharaǵa qatysýshy zııaly qaýym ókilderi men etnos ókilderi ulttyq taǵamdardan dám tatyp, jastardyń ónerin tamashalady.
