Baspasóz qazmetiniń málimetterine qaraǵanda, messendjerler arqyly Memlekettik áleýmettik saqtandyrý qory (budan ári – MÁSQ) 1991-2019 jyldar aralyǵynda jumys istetegen azamattarǵa 600 myń teńge mólsherinde járdemaqy tólep jatqandyǵy týraly aqparat shyndyqqa janaspaıdy.
Mindetti áleýmettik saqtandyrý júıesi Qazaqstanda 2005 jyldan bastap engizilgen jáne eńbek etý qabiletinen, asyraýshysynan, jumysynan aıyrylǵan jaǵdaıda, júktilik jáne bosaný nemese jańa týǵan balany (balalardy) asyrap alýǵa, sondaı-aq 1 jasqa deıingi balanyń kútimine baılanysty tabysynan aıyrylǵan jaǵdaılarda jumys isteıtin azamattardy qoldaýdyń qosymsha deńgeıi bolyp tabylady.
Iаǵnı, osy jaǵdaılarda júıege qatysýshy nemese onyń otbasy memleket tóleıtin áleýmettik járdemaqyǵa qosymsha MÁSQ-tan áleýmettik tólemder alady. «MÁSQ barlyq azamattarǵa beıresmı derekkózderdegi aqparattarǵa senbeý kerektigin eskertedi jáne kópe-kórineý jalǵan aqparatty taratqan adamnyń zań boıynsha jaýapqa tartylatyndyǵyn eske salady.
MÁSQ qyzmeti týraly ózekti aqparat www. gfss.kz resmı ınternet-resýrsynda usynylǵan»,- delingen habarlamada.
