Aýdan, qala ákimderi men oblystyq basqarma basshylary túgel bas qosqan selektorlyq jıynda koronavırýsqa qarsy tosqaýyl sharalary jan-jaqty talqylanyp, juqpaly derttiń oblys kóleminde taralýyna jol bermeý joldary pysyqtaldy. Jıyn barysynda oblys ákimi A. Muhambetov basqarma basshylaryna jaǵdaıdy qatań baqylaýda ustaýdy qadap tapsyrdy. Oblystyq taýarlar men qyzmetterdiń sapasy men qaýipsizdigin baqylaý departamentiniń basshysy O.Bekmaǵambetovtyń aıtýynsha, oblysta derttiń aldyn alý maqsatynda birqatar saqtyq sharalary júzege asyrylǵan. Búginde oblystyń emdeý mekemelerinde 622 emtósek daıyn tur. О́ńirdegi áýejaı men temirjol vokzalyn qosqanda, oblystyń barlyq aımaqtarynda 168-den astam oqý-jattyǵý sharalary ótken. Koronavırýs tirkelgen elderge sapar shegýshiler sanyn shekteý maqsatynda 20 shaqty týrıstik fırmaǵa túsindirý, saqtandyrý semınarlary ótkizilgen.
Jıyn barysynda oblystyq densaýlyq saqtaý basqarmasynyń basshysy V.Dýdnık ótken jyldyń jeltoqsan aıynan bastap Qytaıdan 159 adam oralǵanyn, olardyń 153-i oblys turǵyndary, al altaýy shet el azamattary ekenin aıtty. Táj vırýsy tirkelgen elderge tıesili shekara beketterinen ótken 5217 adamnyń bári dárigerler baqylaýyna alynǵan. О́ńirde naýqastardy oqshaýlaýǵa arnalǵan 15 boks, táj vırýsyn juqtyrǵandardy emdeıtin 1 oqshaýlaý kapsýlasy bar. Qosymsha 65 kólik bólingen.
Táj vırýsy ınfeksııasynyń paıda bolýy men taralýyna jol bermeý maqsatynda óńirge Qazaqstan Respýblıkasy Úkimetiniń rezervinen qosymsha qarajat bólinip otyr. Taıaýda oblystyq densaýlyq saqtaý basqarmasy biryńǵaı tasymaldaýshymen 18,6 mln teńgege 20 túrli dári-dármek jáne medısınalyq buıymdardy jetkizý jóninde shart jasasqan. Satyp alý, jetkizý sharttaryn resimdeý áli de jalǵasýda.
- Qostanaı oblysyna dári-dármektiń 30 túri men basqa da medısınalyq maqsattaǵy buıymdardy satyp alýǵa 35,7 mln teńge bólinip otyr. Biraq dári-dármektiń jartysy ǵana jetkizilgen. Qalǵanyn satyp alýǵa áli bir aı ýaqyt kerek. Tipti, «Jol kartasyn» da daıyndamaǵansyzdar. Bulaı arqany keńge salýdy qoıyńyzdar. Erteń túske deıin maǵan «Jol kartasyn» tapsyryńyzdar. Qansha jáne qandaı dári túrleri jetkizildi, qalǵany qashan jetkiziledi? Naqty jaýabyn berińizder, — dedi oblys ákimi A.Muhambetov.
Jıyn sońynda aımaq basshysy aýdan, qala ákimderine, basqarma basshylary men sala mamandaryna tıisti sharalar men baqylaýdy kúsheıtip, óńirlerde de arnaıy shtab qurýdy mindettedi.
Qostanaı
