«Qazirgi tańda Qazaqstan halqynyń 90 paıyzdan astamy, Jambyl turǵyndarynyń 75,8 paıyzdan astamy saqtandyrylǵan bolyp esepteledi. Sonyń ishinde, 659,4 myńnan astam turǵyn, ıaǵnı oblys turǵyndarynyń jartysynan kóbi avtomatty túrde memleket tarapynan saqtandyrylyp otyr», dedi «Áleýmettik medısınalyq saqtandyrý kory» kommersııalyq emes aksıonerlik qoǵamy Jambyl oblysy boıynsha fılıaly dırektorynyń orynbasary Ǵaını Aımaǵanbetova.
Sonymen qatar, mindetti áleýmettik medısınalyq saqtandyrý júıesi iske qosylǵan alǵashqy aıda elimiz boıynsha halyqqa kórsetilgen konsýltatıvtik-dıagnostıkalyq qyzmet sany ótken jyldyń qańtarymen salystyrǵanda 27 paıyzǵa artqan. Sondaı-aq, mindetti áleýmettik medısınalyq saqtandyrýdy engizýmen sáıkes, medısınalyq kómek aýqymy 135 paıyzǵa ulǵaıǵan. Aǵymdaǵy jyly Jambyl oblysy boıynsha densaýlyq saqtaý júıesiniń bıýdjeti 70 mıllıon 713 myń 116 teńgeni qurap otyr. «Atap aıtqanda, keńes berý dıagnostıkalyq kómek túri 574 paıyzǵa, onyń ishinde mektep medısınasy 240,3 paıyzǵa, stasıonardy almastyratyn kómek 183 paıyzǵa, qalpyna keltirý emi jáne medısınalyq ońaltý 462 paıyzǵa, pallıatıvtik kómek jáne meıirbıke kútimi 144 paıyzǵa artqan», dedi Ǵaını Aımaǵanbetova.
Jambyl oblysy
