Álem • 04 Naýryz, 2020

Ońtústik Koreıada koronavırýs juqtyrǵan qazaqstandyq qashyp ketti degen aqparat jalǵan

95 ret kórsetildi

Bul týraly SIM resmı ókili Aıbek Smadııarov málim etti.

«2020 jylǵy 3 naýryzda Ońtústik Koreıanyń áleýmettik jelileriniń orystildi toptarynda Ońtústik Koreıadan zańsyz júrgen Qazaqstan Respýblıkasynyń azamaty COVID-2019 koronavırýsqa shaldyqqany rastaldy degen aqparat tarady. Atalǵan áleýmettik  jelilerdiń habarlaýynsha, QR azamaty klınıkadan qashyp ketip, qazirgi tańda polısııamen izdestirilýde. Mundaı aqparat Habar-24 otandyq telearnasynda da habarlaǵan. Qazaqstannyń Ońtústik Koreıadaǵy tıisti is-sharalar júrgizip, onyń nátıjesinde bul aqparat rastalmady. Jergilikti polısııa jáne bizdiń azamatpen baılanys ornatylǵan», - dedi brıfıng barysynda SIM baspasóz hatshysy Aıbek Smadııarov.

SIM ókiliniń aıtýynsha, ol buǵan deıin klınıkaǵa barmaǵanyn jáne koronavırýstyń bar-joǵyn anyqtaıtyn qandaı da bir analız tapsyrmaǵanyn jetkizdi.

«Koreıa polısııasynyń aqparaty boıynsha, osydan birneshe kún buryn qazaqstandyq azamat koronavırýsqa shaldyqqan adam barǵan qoǵamdyq tamaqtaný ornynda bolǵan. Osyǵan baılanysty belgilengen tártipke sáıkes, oǵan jáne sol ýaqytta osy mekemede bolǵan barlyq adamdarǵa eger aýrýdyń syrtqy belgileri baıqalǵan jaǵdaıda vırýstyń bar-joǵyna qatysty test tapsyrý qajet», - dedi  SIM baspasóz hatshysy.

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar