Qazaqstan • 04 Naýryz, 2020

Sot Muhtar Áblıazovti 140 myń AQSh dollaryn tóleýge mindettedi

456 ret

kórsetildi

1 mın

oqý úshin

Nıý-Iork qalasynyń soty Muhtar Áblıazovke qarsy qosymsha sanksııalar salý týraly sheshim qabyldady. Ol Almaty qalasy ákimdigi men BTA Bankiniń (Talapkerler) advokattardyń qyzmetine ketken shyǵyndaryna baılanysty 140 115,60 AQSh dollaryn tóleýge mindettedi. Bul týraly Ádilet mınıstrliginiń baspasóz qyzmeti habarlady.

Egemen Qazaqstan

Sot Muhtar Áblıazovti 140 myń AQSh dollaryn tóleýge mindettedi

2019 jylǵy shildede sot talapkerlerdiń M. Áblıazovke qatysty sot prosesine qatysýdan jáne dáleldemelerdi ashýdan bas tartqany úshin qosymsha sanksııa salý týraly ótinishin qanaǵattandyrdy. Sondaı-aq sot aldaǵy alqa bılerdiń qatysýymen ótetin qorytyndy sot prosesinde M. Áblıazovke ózin aqtaý úshin jańa dáleldemerdi usynýǵa ruqsat bermeý týraly usynysyn bildirdi. Bul sanksııa alqa bıler sotyna M. Áblıazovpen onyń kinásin dáleldeıtin dáıekterdi jasyrý týraly nusqaýlyq bolyp tabylady.

Sot talapkerlerdiń osy proseste múddelerdi bildirýmen baılanysty shyǵyndar somasy boıynsha dálelderin nazarǵa alyp, 2020 jyldyń 7 aqpanynda M. Áblıazovten 140 115,60 AQSh dollaryn óndirip alý týraly sheshim shyǵardy.

Sot sheshimine sáıkes M. Áblıazov 140 115,60 AQSh dollaryn 2020 jyldyń 7 mamyryna deıin tóleýi tıis.