Kezdesý barysynda Iý.Ratas Qazaqstan basshylyǵynyń Estonııadaǵy dıplomatııalyq ókildiktiń deńgeıin Elshilikke deıin kóterý týraly sheshimine rızashylyǵyn bildirip, tyǵyz jáne syndarly ekijaqty qarym-qatynastardy damytý úshin jan-jaqty kómek kórsetýge daıyn ekenin aıtty.
N.Seıtimov óz kezeginde Qazaqstanda júrgizilip jatqan saıası jáne ekonomıkalyq ózgerister týraly, sondaı-aq bizdiń elimizde qolaıly ınvestısııalyq klımat qurý jóninde qabyldanǵan sharalar týraly habardar etti.
Sonymen qatar, taraptar tranzıttik-logıstıkalyq salasynda, sondaı-aq ozyq halyqaralyq tájirıbeniń biri sanalatyn Estonııa tájirıbesin qoldana otyryp densaýlyq saqtaý, bilim berý, aýylsharýashylyǵy jáne basqa salalardy sıfrlandyrý boıynsha uzaq merzimdi jobalardy júzege asyrýda yntymaqtastyqtyń aıtarlyqtaı áleýeti bar ekenin atap ótti.
Kezdesý qorytyndysy boıynsha ózara yqpaldastyqtyń barlyq spektrinde Qazaqstan-Eston yntymaqtastyǵyn odan ári damytý jáne nyǵaıtý boıynsha ázirligi rastaldy.
