Shveısarııa bıligi koronavırýs qaýpinen saqtaný úshin eldegi buqaralyq is-sharalardy ótkizýge tyıym saldy. Al el chempıonaty kórermenderdiń qatysýynsyz ótýde. IIHF vıse-prezıdenti Kýmmolanyń aıtýynsha, Shveısarııadaǵy tyıym kúshinde qalsa, chempıonatty keıinge shegeriledi.
«Biz buǵan qarsy eshteńe isteı almaımyz. Árıne, álem chempıonatyn keıinge qaldyrý jaqsy nárse emes. Biraq biz sportshylardyń densaýlyǵyn qaterge tige almaımyz. Densaýlyq kerek. Biz qaýiptiń beti qaıtady dep úmittenemiz. Al chempıonatty basqa elge aýystyrý máselesi múlde qaralmaıdy. Sebebi, biz oǵan daıyn emespiz. Barlyǵy da 17 naýryzda sheshiledi», - deıdi Kalervo Kýmmola.
Osyǵan deıin IIHF alty álem chempıonatyn keıinge qaldyrǵan edi.
