Tyıymdy engizýge Qytaıdan Qazaqstan aýmaǵyna kirgiziletin ónimderde «karantındik obektilerdiń» júıeli túrde anyqtalýy negiz boldy.
Fıtosanıtarlyq sharalar jónindegi Halyqaralyq standarttyń erejelerine sáıkes QR AShM Agroónerkásiptik keshendegi memlekettik ınspeksııa komıteti QHR-nyń Bas keden basqarmasynyń atyna karantınge jatqyzylǵan ónimdi alyp kelý kezinde halyqaralyq jáne biryńǵaı karantındik fıtosanıtarııalyq talaptardyń buzylýy týraly notıfıkasııa joldady.
QHR karantındik qyzmeti AShM Agroónerkásiptik keshendegi memlekettik ınspeksııa komıteti joldaǵan resmı habarlamany qarastyryp, áreket etý sharalaryn kúsheıtýdi usyndy.
Atap aıtqanda, Qytaı tarapy júıeli sıpatta oryn alǵan buzýshylyqtar jekelegen jemis-jıdek baqshalarynyń karantındik obektilerge qarsy aldyn alý sharalaryn júrgizbeýlerine baılanysty ekenin anyqtady.
2019 jyly Qazaqstan aýmaǵyna QHR-dan karantınge jatqyzylǵan ónimdi alyp kirýde 52 buzýshylyq anyqtaldy, onyń ishinde 7 karantındik organızmder, 22 fıtosanıtarııalyq sertıfıkatsyz ónimdi kirgizý jaǵdaıy, 13 karantınge jatqyzylǵan ónimniń oramasynda markırovkanyń bolmaýy, 3 fıtosanıtarııalyq talaptardyń buzylýy, 4 fıtosanıtarııalyq sertıfıkattyń sáıkessizdigi jáne 3 karantınge jatqyzylǵan ónimniń tekserýge usynbaý jaǵdaıy.
Barlyq kórsetilgen jaǵdaıda karantınge jatqyzylǵan ónimdi (12 myń taýar birligi) keri qaıtarý júzege asyryldy. Sonymen qatar 2 mln teńgege 27 aıyppul salyndy.
