Parlament Senatynyń depýtaty, «Qazaqstan máslıhattary depýtattary birlestiginiń» tóraǵasy Tóleýbek Muqashev quttyqtaý sózinde birlestik pen «Qazaqstandyq zańgerler odaǵy» arasynda budan buryn Memorandýmǵa qol qoıylǵanyn atap ótti. Qujat quqyqtyq mádenıetti qalyptastyrý, máslıhat depýtattary jumysynyń tıimdiligin kúsheıtý jáne Parlament qabyldaǵan áleýmettik mańyzy bar zańdardyń, sondaı-aq elimizdi damytýdyń strategııalyq baǵdarlamalarynyń negizgi erejelerin túsindirý barysynda olardyń halyq múddesin bildirýde kásibı biliktiligin arttyrýdy kózdeıdi.
«Máslıhattarmen tyǵyz jumys bastaldy. Biz oqý jumystaryn qolǵa alyp otyrmyz. Osyndaı semınarlar barlyq aımaqtarda ótetin bolady», - dep atap ótti T.Muqashev.
Semınarda normatıvtik-quqyqtyq qujattardy birizdendirý máseleleri qaraldy, sondaı-aq jergilikti ókildi organdardyń jumysyn odan ári jetildirý jónindegi usynystar aıtyldy.
Semınar jumysyna «Qazaqstan zańgerler odaǵynyń» tóraǵasy Serik Aqylbaı, qalalyq máslıhat jáne Qoǵamdyq keńes músheleri, sondaı-aq Abaı, Osakarov jáne Buqar jyraý aýdandary men Temirtaý jáne Saran qalalary máslıhattarynyń hatshylary qatysty.
