QAShANDA EL QAMYN OILAǴAN

Árbir jyldan úlken úmit kú­te­tin Qazaqstan halqy Elbasynyń “Jańa onjyldyq – jańa ekono­mı­kalyq órleý – Qazaqstannyń jańa múmkindikteri” atty halyqqa Joldaýyn zor qýanyshpen qarsy aldy. Elimizdi ındýstrııalyq da­mytý tetikteri – densaýlyq saqtaý men bilim berý salalaryn, quqyq qorǵaý organdaryn qoǵamdyq ba­qy­laýǵa alý máselesine jiti kóńil bólingen bul Joldaý kópshiliktiń kókeıine dóp qondy. Ásirese, quqyq qorǵaý organdarynyń qyz­metin azamattyq qoǵamnyń ba­ǵa­laýy demokratııa qa­ǵıdattarynyń jańa múmkindikterine jol ashaty­ny belgili. Jańa onjyldyqty baǵyn­dy­rar belester de aýqymdy. Bizdiń “Nur Otan” HDP Kentaý qalalyq fılıalynyń ujymy elimizdi taıaý onjyldyqta jan-jaqty damytýǵa baǵyttalǵan strategııalyq jospar­dy qýattap, halyqqa nasıhattaý men onyń laıyqty júzege asýyna óz úlesin qosatyn bolady. “Nur Otan” partııasynyń keńeıtilgen Saıası keńesi bıýrosynda Joldaý boıynsha belgilengen 7 mindetti árbir partııa múshesine júktelgen mindet dep túsinemiz. Osy baǵytta barlyq bastaýysh partııa uıym­dary men qoǵamdyq uıymdardy, úkimettik emes uıymdardy tarta otyryp atqaryl­ǵan jumystardyń sapaly oryn­dalýyna qadaǵalaý jasaý úderisterin jandandyryp, ásirese, jasotan­dyqtardy qatys­ty­rý qolǵa alyndy. S.RASÝL, “Nur Otan” HDP Kentaý qalalyq fılıaly tóraǵasynyń birinshi orynbasary. Ońtústik Qazaqstan oblysy.