Qazaqstan Respýblıkasy Úkimetiniń 2020 jylǵy 4 aqpandaǵy № 32 qaýlysymen Sybaılas jemqorlyq quqyq buzýshylyq faktisi týraly habarlaǵan tulǵalardy kótermeleý qaǵıdalaryna túzetýler qabyldandy.
«Paranyń nemese keltirilgen zalaldyń somasy ne usynylǵan jeńildikterdiń nemese kórsetilgen qyzmetterdiń quny 1 000 AEK – ten (2 651 000 teńge) aspaıtyn sybaılas jemqorlyq qylmystar boıynsha-syıaqy somasy qylmystyń sanatyna 30 AEK-ke –ten 100 AEK-ke deıin (79 530-dan 265 100 teńge) quraıdy. Eger paranyń nemese keltirilgen zalaldyń somasy ne usynylǵan jeńildikterdiń nemese kórsetilgen qyzmetterdiń quny 1 000 AEK-ten assa (2 651 000 teńge) – syıaqy somasy kórsetilgen somanyń 10% - yn quraıdy, biraq syıaqynyń somasy 4 000 AEK-ten (10 604 000 teńge) aspaýy tıis»,- dedi departament basshysynyń birinshi orynbasary Jiger Baıdildın.
Sonymen qatar, spıker erejeler jobasyn ázirleý kezinde múddeli memlekettik organdar tarapynan ótinishti berý tetigin jetildirý, sondaı-aq sybaılas jemqorlyqqa qarsy qyzmettiń kótermeleýge usynylǵan materıaldardy qarastyrýdyń ishki algorıtmin naqtylaý bóliginde jańartýlar erejelerge engizilgenin aıtyp ótti.
Sybaılas jemqorlyq qylmystardy anyqtaý, jolyn kesý, ashý jáne tergeý boıynsha aqparat bergeni úshin nemese ózge de túrde kórsetilgen járdem úshin qarjylyq yntalandyrý mólsherin ulǵaıtý sybaılas jemqorlyqqa qarsy kúreste halyqtyń azamattyq ustanymyn jandandyrýǵa baǵyttalǵan.
«Habarlaýshylardy kótermeleýdiń uqsas júıesi birqatar shet elderde (Germanııa, AQSh, Ulybrıtanııa jáne Gonkong) tabysty qoldanylady. Elimizde qaýly alǵashqy resmı jarııalanǵan kúninen keıin kúntizbelik on kún ótken soń, ıaǵnı a. j. 15 aqpannynan bastap qoldanysqa engizilgenin», - dep habarlady J. Baıdildın.
