Aımaqtar • 06 Naýryz, 2020

Mańǵystaýǵa qyzyǵýshylyq tanytqan týrıster sany artyp keledi

263 ret

kórsetildi

1 mın

oqý úshin

Mańǵystaý óńiri – týrızmdi damytýǵa múmkindigi mol óńir. «Qazaqstan Respýblıkasynyń týrıstik salasyn damytýdyń 2019-2025 jyldarǵa arnalǵan» memlekettik baǵdarlamasyna Kaspıı teńiziniń jaǵalaýynda teńiz kýrortynyń ınjenerlik-kommýnıkasııalyq ınfraqurylymyn damytý boıynsha is-sharalar engizilýi ólkeniń týrıstik kelbetin aıqyndaı túsedi.

Gúlaıym DÁÝITBAI

Mańǵystaýǵa qyzyǵýshylyq tanytqan týrıster sany artyp keledi

Qazirgi tańda jergilikti bıýdjet qarajaty esebinen Aqtaý men Quryq porty aralyǵyndaǵy teńiz jaǵalaýynyń ınfraqurylymyn damytý, onyń ishinde elektr qýatymen, sýmen, gazben qamtý jumystary júrgizilýde. Sonymen qatar Aqtaý qalasynan «Alaý» balalardy saýyqtyrý lagerine deıingi 4 jolaqty qozǵalystaǵy, odan ári Quryq paromdyq keshenine deıingi 2 jolaqty qozǵalystaǵy avtojoldyń qurylysyn salý jáne qaıta qurylymdaý boıynsha qarqyndy jumystar júrgizilýde.

Aıta keteıik, byltyr Mańǵystaý óńirine kelgen týrıst sany 200 myńnan asty. Olarǵa kórsetilgen qyzmet kólemi 4,1 mlrd teńgeni qurap, 104,3%-ǵa ósken.

Mańǵystaý oblysy