ILGERILEÝShILIKTERGE RIZAShYLYQ

Jaqynda Parıjdiń Lıýksembýrg saraıynda Fransııa Parlamenti Senaty men Fransııanyń halyqaralyq yntymaqtastyqty damytý jónindegi agenttiginiń (IýBIFRANS) basqarýymen Ortalyq Azııa men Kavkaz elderine arnalǵan kollokvıým ótti. Is-sharaǵa 100-den astam  atalǵan aımaq elderimen yntymaqtastyqty damytýǵa yntaly fransýzdyń jetekshi kompanııalary­nyń, memlekettik jáne úkimettik emes uıymdardyń  ókilderi qatysty. Kollokvıýmǵa qatysýshylardyń aldynda Qazaqstan Respýblıkasynyń Fransııadaǵy elshisi Nurlan Dánenov sóz sóıledi. Ol fransýzdyń  isker, saıası jáne qoǵamdyq top­tary­nyń ókilderin Memleket basshysynyń Qaz­aqstan halqyna Joldaýymen, elimizdegi qazirgi ekono­mı­kalyq jaǵdaımen jáne tabysty iske asyrylyp jatqan daǵdarysqa qarsy qadamdarmen, Qazaqstan-Fran­sııa stra­te­gııalyq áriptestiginiń damýymen tanystyrdy. Elshi Res­pýblıkanyń údemeli ındýstrııa­lyq-ınnovasııalyq damý baǵ­darlamasynyń, jańa Salyq kodeksin engizýdegi jáne Kedendik odaq jaǵdaıyndaǵy bizdiń ınvestısııalyq basym­dyqtarymyzdyń basty elementteri týraly sóz qozǵady.  Qazaqstannyń EQYU-ǵa tóraǵalyǵy men “Eýropaǵa jol” memlekettik baǵdar­lamasyn iske asyrý taqyryptary jóninde aıta ketti. Is-sharaǵa qatysýshylar Prezıdent N.Á.Nazarbaevtyń ekonomıkalyq bastamalary, jańa óndiristik, ınfra­qury­lymdyq jáne energetıkalyq jobalar, osymen qatar daǵ­da­rysqa qarsy sharalar men bank salasyndaǵy jaǵdaıdyń turaqtanýy  týraly málimetterge úlken qyzyǵýshylyq tanytty. Senator Andre Dıýle Ortalyq Azııa men Kavkaz óńiri Fransııa úshin úlken mańyzy bar ólke, dedi.  Ol Qazaqstanmen birlesken ekonomıkalyq jobalardyń ilgerileýine  rızashylyǵyn bildirdi. Kollokvıýmde Memleket basshysynyń jyl saıynǵy Joldaýy, Qazaqstannyń EQYU-ǵa tóraǵalyǵy men “Eýropaǵa jol” memlekettik baǵdarlamasy jáne elimizdiń ekonomıkalyq damýy týraly fransýz tilindegi arnaıy shyǵarylǵan jýrnaldar men broshıýralar taratyldy. “Egemen-aqparat”.