Ardaqty analar!
Aıaýly arýlar!
Sizderdi Halyqaralyq áıelder kúnimen shyn júrekten quttyqtaımyn!
Áıelder qaýymy – árdaıym otbasynyń uıytqysy, bereke-birliktiń shyraqshysy. Ár adamnyń ómirindegi qýanyshty ári jarqyn sátterdiń kóp bolýyna sizder mol úles qosyp kelesizder.
El basyna kún týǵanda asyl analarymyz ben aıaýly arýlarymyz qıyndyqqa moıymaı, ult taǵdyryna aralasty. Eseli eńbegimen jáne eren erligimen tanylǵan áıelderdiń esimderi tarıh jylnamasyna máńgilikke jazylyp, jadymyzda jattalady.
Egemen elimizde áıelder qaýymy úshin jańa múmkindikterge jol ashyldy. Otbasy ınstıtýtyn, kóp balaly analardy, kásipker áıelderdi qoldaý jáne genderlik teńdikti qamtamasyz etý – memlekettik saıasattyń asa mańyzdy basymdyǵy.
Sizderdiń shyǵarmashylyq jáne kásibı biliktilikterińizdi arttyrý úshin barlyq jaǵdaı jasalýda. Aldaǵy ýaqytta talantty da talapty áıelder qoǵamdyq-saıası ómirdiń túrli salasynda zor jetistikke jetetinine senemin.
Sizderge myqty densaýlyq, baq-bereke jáne tolaǵaı tabys tileımin!
