«Metaldar baǵasy da tómendegenin kórsetti. Myrysh baǵasy 16%, mys 12%, temir keni 4%, ferroqorytpalar 1,2% tómendedi. Álemdik kapıtal naryqtarynda joǵary qubylmalylyq baıqalýda. Jyl basynan beri amerıkalyq bırja ındeksteri 14%, eýropalyq ındekster 15 %-ǵa deıin jáne qytaı ındeksteri 13% tómendedi. Bul úrdister syrtqy naryqtardaǵy joǵary belgisizdikti kórsetedi», dedi Mınıstr.
Sondaı aq, R. Dálenov Qazaqstannyń kredıttik reıtıngi naqtylanǵanyn atap ótti.
«Halyqaralyq reıtıngtik agenttikter Qazaqstannyń derbes kredıttik reıtıngin rastap, boljam «turaqty» deńgeıde saqtalǵan. Bul rette reıtıngti Standard and Poor's osy jylǵy 6 naýryzda, al Fitch Ratings 21 aqpanda aıqyndady. Syrtqy halyqaralyq sarapshylardyń pikirinshe, reıtıng boljamy eldegi makroekonomıkalyq turaqtylyq, ishki suranys rezervteri jáne munaılyq emes sektordyń ulǵaıýyna baılanysty bolady», - dedi ol.
