Sport • 10 Naýryz, 2020

Danııar Eleýsinov álem eks-chempıonymen judyryqtasady

600 ret

kórsetildi

1 mın

oqý úshin

Matchroom Boxing promoýterlik kompanııasy qazaqstandyq kásipqoı boksshy Danııar Eleýsinovtiń (9-0, 5 KO) kelesi qarsylasyn habarlady. Otandasymyz eks álem chempıony Djýlıýs Indongomen (23-2, 12 KO) judyryqtasady. Bul týraly Sport.kz habarlady.

Egemen Qazaqstan

Danııar Eleýsinov álem eks-chempıonymen judyryqtasady

Boks 17 sáýir kúni Okson-Hıllde (AQSh, Merılend shtaty) ótedi. Basty jekpe-jekte amerıkalyq boksshylar Redjıs Progreıs (24-1, 20 KO) pen Morıs Hýker (27-1, 18 KO) kezdesedi.

Danııardyń qarsylasy atanǵan namıbııalyq boksshy – 37 jasta. Birinshi jartylaı orta salmaqta úsh nusqa boıynsha (IBF, IBO jáne WBA (Super)) álem chempıony bolǵan. 2017 jyldyń tamyz aıynda absolıýtti álem chempıony ataǵy jolynda amerıkalyq Terens Kroýfordpen (36-0, 27 KO) judyryqtasyp, alǵash ret jeńilgen.

2018 jyldyń naýryz aıynda amerıkalyq Redjıs Progreısten utylǵan. Al ótken jyldyń tamyzynda Karltavıýs Djonsondy (4-2) jeńgen. Danııar Eleýsinov sharshy alańǵa ótken jyldyń jeltoqsan aıynda shyqqan. Amerıkalyq Alan Sanchesti (20-5-1, 10 KO) tehnıkalyq nokaýtpen jeńip shyqty.