RF-nan fıtosanıtarlyq sertıfıkatsyz Qazaqstanǵa 54 tonna sábiz, 10 tonna qyryqqabat, 40 tonna kartop jáne qyzylsha, 20 tonna bıdaı, 19,5 tonna jemis, sondaı-aq 2 myń birlik gúl ónimderi jáne Irannan el naryǵyna fıtosanıtarlyq sertıfıkaty joq 174 tonna alma jáne 249 tonna keptirilgen jemis kirgizilmek bolǵan.
О́simdikter karantıni salasyndaǵy zańnamalardyń talaptaryna sáıkes atalǵan ónimder Qazaqstan aýmaǵyna tasymaldaýǵa tyıym salynǵan. Kináli tulǵalar Ákimshilik quqyq buzýshylyq týraly kodeksiniń 400 baby boıynsha ákimshilik jaýapkershilikke tartyldy.
Sonymen qatar buǵan deıin AShM memlekettik ınspektorlary Reseı Federasııasynan mango ónimderi men AQSh-tan mındal jańǵaǵyn Qazaqstanǵa kirgizbegenin aıta ketý kerek.
Atap aıtqanda, Reseıden Qazaqstanǵa fıtosanıtarlyq sertıfıkatsyz 2 tonna kúnjit tuqymy, 20 tonnadan astam grek jańǵaǵy, qurma jáne keptirilgen mango, 39 tonna kartop, 67 tonna kúnbaǵys jáne 58,5 tekshe metr kesilgen aǵash kirgizilmek bolǵan.
Sondaı-aq jaramsyz fıtosanıtarlyq sertıfıkatpen 2,3 myń tonna arpa alyp kelý faktisi anyqtalǵan.
Júktiń qaýipsizdigin rastaıtyn fıtosanıtarlyq sertıfıkatsyz respýblıkanyń memleket shekarasyna Vetnamnan 23,4 tonna kofe dánderi jáne AQSh-tan 86,6 tonna mındal jańǵaǵy alyp kelingen.
О́simdikter karantıni salasyndaǵy zańnama talaptaryna sáıkes atalǵan ónimderdi Qazaqstan Respýblıkasynyń aýmaǵyna kirgizýge tyıym salynǵan, aıypty tulǵalar ákimshilik jaýapkershilikke tartyldy.
Sonymen qatar AShM memlekettik ınspektorlary el aýmaǵyna qaptama tańbalary joq О́zbekstannan kelgen 23 tonnadan astam jemis, onyń ishinde 6 tonna anar jáne 30 tonna sábizdiń kirýine tyıym saldy.
