«Syrtqy naryqta qalyptasqan, Qazaqstannyń ekonomıkasyna yqpalyn tıgizip otyrǵan jaǵdaıǵa qaramastan, memleket el halqynyń aldyndaǵy barlyq áleýmettik mindettemelerin tolyq kólemde oryndaıtyn bolady. Qazaqstanda 4 mln-nan astam adam zeınetaqy men túrli járdemaqylar alady. Bul maqsatqa 3,4 trln teńge qarastyrylǵan», — dedi mınıstr.
Sonymen qosa, ol aldaǵy jyldary áleýmettik tólemderdiń qysqarmaıtynyn aıtty.
«Áleýmettik tólemder esh ýaqytta qysqarmaıdy. Bul Premer-Mınıstrdiń búgingi tapsyrmasyna oraı ǵana emes. Bul – bizdiń memleketimizdiń 10 jyldan astam ýaqyttan bergi áleýmettik saıasattaǵy negizgi ustanymy. Sondyqtan áleýmettik tólemderdiń kólemi eshqashan azaımaıdy. Kerisinshe, biz aldaǵy kezeńde eger ınflıasııa ósetin bolsa, tólemderdi arttyrýdy josparlap otyrmyz. Eger aldaǵy ýaqytta ınflıasııa deńgeıi josparlanǵan dálizden asatyn bolsa, zeınetaqy men járdemaqy ındeksasııalanatyn bolady», — dedi B. Nurymbetov.
Mınıstrdiń aıtýynsha, qazaqstandyqtardyń jalaqy kólemi de azaımaıtyn bolady. Jalaqy ýaqytyly tólenedi. Bıýdjettik uıymdardyń jumyskerleriniń jalaqysyn kóterýge qatysty, bıyl ol bıýdjettiń múmkindikterine baılanysty bolady.
«О́tken jyly 1 maýsymnan bastap bıýdjet salasynda jalaqy 30%-ǵa kóterildi. 2020 jyldyń 1 qańtarynan bastap sonymen qatar bıýdjettik uıymdardyń jumyskerleriniń jalaqysy orta eseppen 30%-ǵa kóterildi», — dedi mınıstr.
Jekemenshik uıymdar týraly aıta otyryp, Birjan Nurymbetov olardy ındeksasııa men jalaqynyń ósirilýine táýeldi etý qıyn bolatynyn aıtty. Bul rette, Úkimettiń negizgi mindeti jumys oryndaryn saqtaý jáne aǵymdaǵy eńbekaqyny ýaqytyly tóleý bolyp qala beredi.
«Aldyńǵy jyldary jumys berýshiler bıznestiń joǵary áleýmettik jaýapkershiligin kórsetti. Biz taǵy da osydan úmittenetin bolamyz», — dedi B. Nurymbetov.
