Qordyń baspasóz qyzmetiniń málimetinshe, 2020 jyldyń 1 aqpanyna qaraı Biryńǵaı jınaqtaýshy zeınetaqy qorynda mindetti zeınetaqy jarnasy boıynsha ashylǵan jeke zeınetaqy shottaryndaǵy jınaqtyń ortasha somasy 1,09 mıllıon teńge boldy. О́tken jyldyń sáıkes kezeńimen salystyrǵanda ósim – 11 paıyz.
Bul rette erlerdiń zeınetaqy jınaǵynyń ortasha somasy – 1,2 mln teńge (2019 jylmen salystyrǵanda ósim – 10 paıyz), al áıelderde – 949 myń teńge (ósim – 12 paıyz).
«Salymshylardyń mindetti kásiptik zeınetaqy jarnasy esebinen ashylǵan shottardaǵy jınaqtyń ortasha somasy – 509 myń teńge (ósim – 17 paıyz), erikti zeınetaqy jarnasy boıynsha – 48,5 myń teńge. Aıta ketelik, bul barlyq salymshylardyń – eńbek jolyn jańadan bastap, zeınetaqy jarnasyn qorǵa endi aýdara bastaǵan jáne jarnany jıyrma jyldan astam ýaqyttan beri aýdaryp kele jatqandardyń shotynan alynǵan sandar», delingen habarlamada. Bıyl jınaqtaýshy zeınetaqy júıesine 22 jyl toldy.
Biraq qazirdiń ózinde aralyq qorytyndy jasaýǵa bolady. 1998 jyldan 2020 jyldyń basyna deıin zeınetaqy jarnalaryn turaqty aýdaryp kelgen salymshylardyń zeınetaqy jınaǵynyń ortasha somasy 5,3 mln teńge boldy.
