«Halyqqa qolaıly etý maqsatynda kólik quraldary salyǵyn tóleý merzimin aýystyrý qarastyrylyp otyr. Qazir salyq jyl sońyna deıin tólenedi. Endi kelesi jyldyń 1 sáýirine deıin tóleý usynylady», - dedi vıse-mınıstr salyq salý máseleleri boıynsha zań jobasyn tanystyrý barysynda.
Onyń sózine qaraǵanda, azamattyq-quqyqtyq kelisimsharttar boıynsha jeke tabys salyǵyn esepteý kezinde mindetti zeınetaqy jarnalarynyń mólsherin shegerý qarastyrylmaǵan. Osy oraıda shegerimdi qoldaný jáne qosarlanǵan salyq salýdy joıý tártibin naqtylaý qajet.
- Naýqastardy demeýshilik jáne qaıyrymdylyq kómek esebinen emdeýge jatqyzý kezinde naýqastardy alyp júretin adamnyń jol júrý jáne qonystanýy da osy qarajat esebinen tólenedi, - dedi vıse mınıstr Mádı Tákıev.
Osyǵan baılanysty, naýqastardy da, naýqastardy alyp júretin adamdy da jeke tabys salyǵynan bosatý usynylady. Budan bólek, qazirgi tańda bankterdiń nesıelerdi keshirýi kezinde korporatıvtik jáne jeke tabys salyqtary boıynsha jeńildikter qarastyrylǵan. Endi ıpotekalyq uıymdar úshin de osyndaı sharalar kózdelip otyr.
