«2020 jyly 4 trln 816 mlrd teńge kóleminde qarjy túsedi dep josparlanǵan. Munyń barlyǵy Ulttyq qorǵa baǵyttalady. Respýblıkalyq bıýdjetke eksporttyq keden bajy túrinde 1 trln 019 mlrd teńge kóleminde kiris túsedi. Eger munaı baǵasy $25 tómen bolǵan jaǵdaıda — bul tólemder nólge teń bolady, ıaǵnı túsim bolmaıdy. Munaı sektorynan túsken qalǵan tólemder Ulttyq qorǵa baǵyttalady», — dep habarlady B. Sholpanqulov.
Bıýdjetti naqtylaý turǵysynan búginde shyǵystardy ońtaılandyrý sharalary qabyldanatyn bolady.
«Qymbat jıhaz, avtokólik satyp alynbaıdy, ımıdjdik is-sharalar shekteledi, sondaı-aq basym emes shyǵyndar bolmaıdy. Atalǵan sharalar eń aldymen áleýmettik tólemderdi qamtamasyz etýge baǵyttalady. Áleýmettik tólemder tolyq kólemde tólenedi jáne memlekettiń mindettemeleri de ýaqytyly oryndalady. О́tken jyly munaı baǵasy barreline $30-dan tómen túsip, bıýdjeti daǵdarysqa qarsy jospardyń der kezinde qabyldanǵanyna baılanysty osy mindetti ońaı ári jedel oryndap shyqty. Barlyq tıisti esepter daıyn, biz birinshi toqsannyń qorytyndysyn kútemiz», — dedi birinshi vıse-mınıstr.
B. Sholpaqulov atap ótkendeı, bul shyǵystar boıynsha aldyn ala jumystar júrgizildi. Memlekettik organdardyń, óńirler men kvazısektor sýbektileriniń ár áreketi belgilengen Jol kartasy bekitildi, qazirgi jaǵdaıda basymdyqqa ıe emes, keıin de iske asyrýǵa bolatyn jobalar men sharalar keıinge qaldyryldy.
Aıta keteıik, 2020 jylǵa 68 nysandy iske asyrý josparlanǵan. 34 nysan satýǵa shyǵaryldy. Qańtar-aqpan aılarynda 3,2 mlrd teńge somasyna 6 nysan satyldy. 28 nysan satylý barysynda. 3 nysan qaıta qurý men taratýǵa baǵyttalǵan. 31 nysan jyl sońyna deıin satýǵa qoıylady. Esepti kezeńde bıýdjettiń oryndalý kórsetkishteri osyndaı.
