«Barlyq tıisti sharany iske asyryp jatyrmyz. «Sheńber» aıasy qysylyp bara jatqanyn kórip otyrsyzdar. Qytaı ǵana edi basynda. Qazir Iran, Ońtústik Koreıa, artynsha koronavırýs Eýropa elderin sharpydy. Infeksııa tirkelgen elderdiń ortasynda qaldyq. Álbette, bizge vırýs kirmeıdi dep kepildik bere almaımyz. Vırýs – qamap tastaıtyn «mal» emes. Adam nemese janýardyń boıynda ósip-órkendeı beredi. Kún sáýlesi ony jeńe me, joq pa degen de suraq qoıylyp jatyr. Alaıda bulaı oılasaq, kún jarqyrap turǵan Irandy qarańyz. Vırýs kez kelgen janýardyń azǵasynda damı beredi dep aıtar edim. Bizdiń mindet – tártip bolatyndaı uıymdastyrý jumysyn kúsheıtý», - dedi Qazaqstan Respýblıkasynyń bas sanıtar dárigeri Jandarbek Bekshın.
Jandarbek Bekshınniń aıtýynsha boljam boıynsha naýryz aıynyń 11-16 aralyǵynda Qazaqstanda koronavırýs tirkelýi múmkin.
«Biraq bul tek boljam ǵana. Koronavırýs bizde paıda bolǵan jaǵdaıda biz birden arnaıy sharalardy qolǵa alamyz», - dedi ol.
Bas sanıtar dárigerdiń sózinshe, bul boljam ǵalymdardyń matematıkalyq modeldi esebine súıene jasalǵan. «Biz jaǵdaıdy zerttep otyrmyz. Sheńberdiń ishinde qaldyq. Tirkelýi ábden múmkin, biraq qashan ekeni belgisiz. Ǵalymdar 10-16 naýryz aralyǵy dep boljaǵanymen, ol tek tuspal. Boljam oryndalmaı qalýy da múmkin», - dedi ol.
