Qarýly Kúshterdiń Joǵarǵy Bas qolbasshysyna álemdegi zamanaýı qaýip-qaterlerdi eskere otyryp, Qarýly Kúshterdi qalyptastyrýdyń jáne damytýdyń tujyrymdamasyn pysyqtaý, sondaı-aq, qarý-jaraqtardy, oq-dárilerdi, áskerı tehnıkalardy ınventarızasııalaý jáne tekserý jumystary týraly baıandaldy. Nurlan Ermekbaev Qasym-Jomart Toqaevqa mınıstrliktiń geosaıası jáne ekonomıkalyq baǵyttaǵy syn-qaterlerdi monıtorıngileý boıynsha júrgizip jatqan jumystary, halyqaralyq áskerı yntymaqtastyq máseleler týraly aıtty. Sonymen qatar elimizdiń Qarýly Kúshterin tıimdi basqarýdy jaqsartýǵa jáne qorǵanys qabiletin arttyrýǵa negizdelgen zań jobasyn daıyndaý jaıynda málimet berdi. Memleket basshysy Qarýly Kúshterdiń, oq-dári qoımalarynyń, polıgondar men áskerı qalashyqtardyń ınfraqurylymyn jetildirý jumystaryn júrgizýge basa mán berdi. Kezdesý qorytyndysy boıynsha Joǵarǵy Bas qolbasshy Qorǵanys mınıstrine áskerı qyzmetshilerdiń áleýmettik jaǵdaıyn kóterýge jáne áskerı kadrlardy daıyndaý sapasyn arttyrýǵa, sondaı-aq, áskerı tártipti kúsheıtý sharalaryn qabyldaýǵa qatysty birqatar naqty tapsyrma berdi.
