Jan-jaqty daıyndyq jasalýda

Qostanaı oblysy Tóten­she jaǵdaılar departamen­tiniń bastyǵy Talǵat Kákimovtiń aı­týynsha, bıyl qyzyl sýdan keletin qaýiptiń aldyn alý jáne  joıý jumystaryna oblystyq bıýdjetten 27 mln teńge qarjy bólinip otyr. Munyń syrtynda, sý tasqynyn áýeden baqylaýǵa 10 mln teńge qarastyrylǵan. О́ńirde 52 qutqarý beketi ja­saq­­talyp, qaýip tónip turǵan eldi mekenderdegi jaǵdaıdy qatań baqylaýǵa alǵan. Oǵan qa­jetti 150 tonna janarmaı, 10 myń tonna ınertti mate­rıal, 50 myń qap qum daıyn tur. Oblysta kóktemgi sý tasqyny bola qalǵan jaǵdaıda 349 tehnıka, 200-ge jýyq sý sorǵysh qurylǵy jáne 100 shaqty qaıyq jumyldyrylmaq.  Qazirdiń ózinde birqatar ózenniń sý arnasyn arshý úshin muz jarý jumystaryn júrgizý josparlanyp otyr. Bul baǵyttaǵy aldyn alý sharalary Beıimbet Maılın aýdanyndaǵy Áıet ózeni men Áýlıekól aýdanyndaǵy birneshe ózen-kólden bastaldy. Bıyl muz jarý jumystaryna ob­lys­tyq bıýdjetten 9 mln teńge qa­rastyrylyp otyr.

Taıaýda respýblıka kóleminde uıymdastyrylǵan «Kóktem- 2020» sharasy aıasynda keshendi oqý-jattyǵý sharalary ótip, qut­qarýshylardyń kóktemgi tas­qynǵa daıyndyǵy tekserildi. Is-sharaǵa azamattyq qorǵanys júıe­siniń organdary, tótenshe jaǵdaılardyń aldyn alý jáne joıý jónindegi komıssııalar men apattyq-qutqarý qurylymdary qatysty.

Jattyǵý barysynda baılanys júıeleri men dıspetcherlik qyzmetterdiń daıyndyǵy, ma­terıaldyq-tehnıkalyq, azyq-­túlik jáne medısınalyq rezer­vterdiń qory tekserildi.

Jergilikti atqarýshy organ­dar ózen jaǵalaýlaryndaǵy jy­rylý qaýpi bar jerlerdegi bóget­terdi myqtap, evakýa­sııa bola qalǵan jaǵdaıda tur­ǵyn­dardy tósek-orynmen jáne ys­tyq tamaqpen qam­tamasyz etý jaıyn rettedi. Jedel qımyl jasaq­tary sý basý qaýpi bar ót­kel­derdegi kópir­ler men qu­byr arnalaryn tazalap, qum toltyrylǵan qaptar men ınertti materıaldardyń  jet­kilikti mól­sherde ekenine kóz jetkizdi.

О́ńirdegi sý tasqynyna da­ıyn­dyq jumystaryn oblys basshysy A.Muhambetov ózi­niń tikeleı baqylaýyna al­ǵan. Aldaǵy aptada Reseıdiń Qos­tanaı oblysymen shekaralas jatqan aımaqtarynan mamandar kelýi tıis. Kórshiles ob­lys­tardyń qutqarýshylary bas qosyp, tájirıbe bólisip jáne qol­da bar málimet, boljamdardy salystyryp, kóktemgi sý tasqynyna daıyndyq barysyn taǵy bir  pysyqtap alýdy jos­parlap otyr.

QOSTANAI