Ekonomıka • 11 Naýryz, 2020

2019 jyly elektrondyq aqshany paıdalanǵan operasııalar sany úshten birge ósti

28 ret kórsetildi

Búgingi tańda Qazaqstan naryǵynda jıyrma bes elektrondyq aqsha júıesi jumys isteýde, olardyń emıtentteri 10 bank jáne «Qazpochta» AQ bolyp tabylady. 2019 jyly mynadaı segiz jańa elektrondyq aqsha júıesi jumys isteı bastady: «Senim», «AlmaPay», «Onay Pay», «One Click», «KAZEVROMOBAIL», «Innoforce systems», «WebMoney Kazakhstan» jáne «Silkpay». Bul týraly Nationalbank.kz habarlady.

2019 jyly elektrondyq aqsha júıeleriniń emıtentteri 572,8 mlrd teńge somasyna elektrondyq aqsha shyǵardy, bul aldyńǵy jyldyń kórsetkishterinen 10%-ǵa asady.

Elektrondyq aqsha júıeleri arqyly 580,2 mlrd teńge somasyna 174,9 mln tranzaksııa (2018 jylmen salystyrǵanda operasııalar sany boıynsha ósýi 29,5%) júrgizildi. Bul operasııalar jeke tulǵalardyń arasyndaǵy aýdarymdardy jáne zańdy tulǵalar men dara kásipkerlerdiń paıdasyna taýarlar men qyzmetter úshin aqy tóleýdi qamtıdy.

Qazaqstandyq elektrondyq aqsha júıeleri arqyly júrgizilgen barlyq operasııalardyń 65%-y ınternette, 16%-y – mobıldik qosymshalar arqyly, 19%-y – elektrondyq termınaldar paıdalanyla otyryp júrgiziledi. Otandyq naryqta qyzmetin júzege asyratyn jıyrma bes elektrondyq aqsha júıesiniń ishinde jıyrma elektrondyq aqsha júıesiniń operatorlary tólem uıymdary bolyp tabylady. Osy elektrondyq aqsha júıeleri arqyly 2019 jyly 410,4 mlrd teńge somasyna tólemder júrgizildi, bul – barlyq jumys istep turǵan elektrondyq aqsha júıeleri aınalymynyń 70%-y.

Naryqtyń osy segmentiniń 90%-ynan astamyn ıelenetin asa iri elektrondyq aqsha júıeleri: «Kaspi Bank», «VISA QIWI WALLET», «WOOPPAY», «Lıchnaıa kassa» jáne «W1 Kazakhstan».

Qazaqstanda elektrondyq aqsha ınternet kommersııaǵa, kommýnaldyq qyzmetterge, uıaly baılanysqa, kredıtterdi óteýge jáne basqalarǵa aqy tóleý úshin paıdalanylady.

Sońǵy jańalyqtar

Qazaqtyń Qyz Jibegi

Rýhanııat • Keshe

Azattyq arhıtektory

Elbasy • Keshe

Aq borannyń azaptary

Aımaqtar • Keshe

Adam ómiri úshin arpalys

Aımaqtar • Keshe

Elordada órt sany azaıdy

Elorda • Keshe

Atyraýda kottedj otqa orandy

Aımaqtar • Keshe

Uqsas jańalyqtar