«Konstıtýsııaǵa sáıkes, biz Ashat Daýylbaevty Konstıtýsııalyq Keńes múshesi qyzmetine taǵaıyndaǵan boltynbyz. Búgin onyń ókilettik merzimi aıaqtaldy. Osyǵan baılanysty Ata Zańǵa sáıkes, A. Daýylbaevtyń kandıdatýrasyn qaıta taǵaıyndaý úshin usynyp otyrmyn», - dedi QR Parlamenti Májilisiniń tóraǵasy Nurlan Nyǵmatýlın.
A. Daýylbaev quqyq qorǵaý salasynda, onyń ishinde prokýratýra organynda kóp jyldar boıy eńbek etken bilikti ári tájirıbeli tulǵa. Ol 1987 jyly Sverdlovsk zań ınstıtýtyn úzdik bitirgennen soń eńbek jolyn Almaty qalasynyń prokýratýrasynda bastap, Almaty qalasynyń birqatar aýdandarynda prokýrordyń orynbasary, Almaty qalasy tórelik sot tóraǵasynyń orynbasary sekildi laýazymdardy atqardy. 1997 jyly QR Ádilet vıse-mınıstri boldy. 2001 jyly QR Bas prokýrorynyń orynbasary bolyp taǵaıyndalyp, ol qyzmette 2011 jyldyń sáýirine deıin qyzmet etti. 2011-2016 jyldary QR Bas prokýrory qyzmetin atqardy.
