«Búgingi tańda Qazaqstanda aýrýdyń rastalǵan birde-bir jaǵdaıy tirkelgen joq! Bas memlekettik sanıtarlyq dárigeri J.M.Bekshınniń koronavırýs ınfeksııasynyń kelýi týraly boljamy – bizdiń ǵalymdardyń statıstıkalyq modeldeý arqyly jasaǵan boljamy ǵana. Bastapqy derekter retinde álemniń túrli elderinde jolaýshylar tasymaly men koronavırýs ınfeksııasynyń taralý kólemi alyndy. Túrli syrtqy faktorlardy eskere otyryp, derekterdiń únemi ózgerip otyratyndyǵyn atap ótken jón. Máselen, bedeldi Lanset jýrnalynda koronavırýstyń Qytaıdan álemdik megapolısterge taralýy týraly uqsas boljam jasaldy», - deıdi E. Birtanov.
Aıta keteıik, keshe Jandarbek Bekshın Qazaqstanda koronavırýs qashan tirkelýi múmkin ekenin aıtqan bolatyn.
