Búginde oblys jurtshylyǵynyń tórtten biri sport jáne dene shynyqtyrýmen turaqty aınalysyp, salamatty ómir saltyn serik etken. Olardyń arasynda Qyzyljar óńiriniń 295 aıtýly sportshysy ulttyq qurama sapynda el namysyn qorǵap, baıraqty básekelerde 200-den astam medal enshilegen.
Búginde oblys jurtshylyǵynyń tórtten biri sport jáne dene shynyqtyrýmen turaqty aınalysyp, salamatty ómir saltyn serik etken. Olardyń arasynda Qyzyljar óńiriniń 295 aıtýly sportshysy ulttyq qurama sapynda el namysyn qorǵap, baıraqty básekelerde 200-den astam medal enshilegen.Bıyl múmkindigi shekteýli adamdar úshin «Úmit» arnaıy klýb jáne London Jazǵy olımpıadasynyń chempıony Aleksandr Vınokýrov atyndaǵy veloklýb ǵımarattary paıdalanýǵa berildi. Endi 1 myń oryndy muz aıdyny men jeńil atletıka maneji bar sport keshenin salý kózdelip otyr.
О́ńir basshysy Samat Eskendirov sport salasyn damytýǵa zor úles qosyp júrgen bir top jerlesterimizdi qabyldap, túrli syı-sııapat kórsetti. Solardyń biri –velosporttan álem chempıony Alekseı Lýsenkonyń jattyqtyrýshysy, sportqa daryndy balalarǵa mamandandyrylǵan mektep-ınternattaǵy velosport bólimshesiniń aǵa jattyqtyrýshysy Vıktor Potapovqa jáne A. Vınokýrovtyń jeke jattyqtyrýshysy, onyń atyndaǵy velosport klýbynyń dırektory Sergeı Krýchınaǵa sý jańa «Skoda Octavia» jeńil kóliginiń kiltterin saltanatty túrde tabys etti. «Úmit» klýbynyń dırektory Vıacheslav Latyshev arnaıy jabdyqtalǵan «GAZel» avtokóligine ıe boldy.
О́mir ESQALI,
«Egemen Qazaqstan».
