Aımaqtar • 11 Naýryz, 2020

Nur-Sultanda halyq sanaǵyna daıyndyq júrip jatyr

43 ret kórsetildi

Aǵymdaǵy jyly respýblıkada kezekti ulttyq halyq sanaǵyn ótkizý boıynsha vedomstvoaralyq komıssııa qurylyp, is-shara jospary bekitildi. Bul oraıda astana turǵyndarynyń ulttyq sanaqqa belsene qatysýy jınalǵan aqparattyq materıaldardyń sapasyna tikeleı baılanysty bolady. Bul týraly elorda ákimdiginiń resmı saıty habarlady.

Elimiz boıynsha sanaq ótkizý merzimi 2020 jyldyń 1-30 qazan aralyǵy bolyp belgilendi. Halyqty tolyq qamtý maqsatynda sanaq eki kezeń boıynsha ótedi.

«Birinshi daıyndyq kezeńinde 2020 jylǵy 1 jáne 30 maýsym aralyǵynda sanaq qyzmetkeri turǵyn úılerdiń, basqa da ǵımarattardyń sanyn anyqtap, onda turyp jatqan halyq sanyn tirkeıdi. Sodan keıin 1-30 qazan aralyǵynda negizgi halyq sanaǵy ótedi. Belgilengen tórt nysan boıynsha ıntervıýerler sanaq paraqshalaryn toltyrady. Sanaqtan ótken barlyq respondentterge ıntervıýerler tıisti anyqtama beredi, al onlaın tártip boıynsha sanaqtan ótkenderge elektrondy poshtaǵa nemese telefon nómirine sanaqtan ótkendigi týraly SMS-habarlama jiberiletin bolady», - dep túsindirdi elordalyq Statıstıka departamenti basshysynyń orynbasary Janar Serikbaeva.    

Onyń aıtýynsha, qazaqstandyqtar sanaqtan ótýdiń dástúrli túrimen qatar, saýalnamany onlaın túrde de toltyra alady. Elektrondy túrde sanaqtan ótý úshin 1-15 qazan aralyǵynda sanaq.gov.kz saıtynda tirkeýden ótý qajet.   Qazirgi ýaqytta elordada halyq sanaǵyn ótkizý kezeńine sanaq qyzmetkerleriniń quramyn izdestirý jáne irikteý boıynsha jumystar júrgizýde.

Sanaq qyzmetkerleriniń qyzmet kórsetkeni úshin eńbek aqysy beriledi: daıyndyq kezeńiniń ıntervıýerine 30 jumys kúnine 75 743 teńge, negizgi kezeńniń ıntervıýerine – 94 678 teńge, nusqaýshy-baqylaýshyǵa 45 kúnge 113 614 teńge tólenedi.

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Uqsas jańalyqtar