– Iri jobany «Operator ROP» seriktestigimen birlese otyryp júzege asyramyz. Bul eski avtokólikter men aýyl sharýashylyǵy tehnıkalaryn qabyldap, metal synyqtaryn qaıta óńdeıtin zaýyt bolady. Zaýyt Qaraǵandy úlgisinde jasalady. Taıaýda ǵana qos tarap ózara kelissóz júrgizdik. Aldaǵy aptada seriktestik basshylary Qostanaıǵa keledi. Memorandýmǵa qol qoıamyz. Zaýyt Qostanaıdaǵy ındýstrııalyq aımaqta salynatyn bolady. Onyń ústine, bizde qazir aýyl sharýashylyǵy mashınalaryn jasaý jaqsy damyp keledi. Eski tehnıkany qaıta óńdeýge múmkindik bar. Kásiporyn arzan, nebary 2-3 mlrd teńge turady. Bul máseleni biz Úkimet deńgeıinde de talqyladyq, - dedi ákim.
Jalpy, Qostanaı oblysyndaǵy polıgondarda jyl saıyn 250 myń tonna qatty turmystyq qaldyq jınalady. Olardy qaıta óńdep, geotekstıl, geokompozıt, gaz jáne sý jiberetin polıetılendi qubyr, tósenish tas, qudyq qaqpalary, jumyrtqa uıashyqtary sııaqty 10 túrli ónim shyǵaratyn 6 kásiporyn bar.
Qostanaı
