Qazaly aýdandyq polısııa bóliminiń qyzmetkerleriniń jedel qımyly arqasynda bir túnde aýdan ortalyǵynda ornalasqan eki dúkenge urlyqqa túsken turǵyn ustaldy. Ol 10 naýryzda túngi saǵat 03.30 shamasynda dúkenderdiń esik qulpyn buzyp kirip, aqsha urlap, oqıǵa ornynan boı tasalaǵan.
Jábirlenýshilerge keltirilgen jalpy materıaldyq shyǵyn 310 myń teńge bolyp otyr. Zattaı dáleldeme retinde balta, pyshaq, qolsham jáne urlanǵan aqsha alyndy. Kúdiktiniń basqa da urlyqtarǵa qatystylyǵy tekserilip jatyr. Qazirgi ýaqytta ol ýaqytsha ustaý ızolıatoryna qamaqqa alynyp, barlyq faktiler boıynsha Qylmystyq Kodekstiń 188-babynyń 3-bóligi boıynsha sotqa deıingi tergep-tekserý amaldary bastaldy.
